»  خواردن و خواردنەوە

چۆنیەتی ئامادەکردنی یالنجی

ماموستا یاسین احمد - وه‌رگێری ماڵپه‌ر

یالنجی خواردنێکی شامی زۆر بەتامە ، ھەرچەندە بە شێوەی موقەبیلات پێشکەش دەکرێت بەڵام یەکێکە لەخۆراکە بە تامەکان و لە ئێستادا داواکارییەکی زۆری لەسەر ھەیە . 
چۆنیەتی ئامادەکردنی یالنجی سووری : 
پێکھاتەکان : 
یەک کیلۆ پەلکە مێو . 
یەک پەتاتە . 
یەک تەماتە . 
یەک لیمۆ . 
پێکھاتەی قیمەکەی : 
یەک کوپ برنج (مام ناوەند بێت). 
زەیتون (یەک چارەگ کوپ). 
دوو سەلکە سیری وورد کراوبێت . 
دوو تەماتە بە باشی وورد کرابێت . 
ھەندێک مەعدەنووسی ووردکراو. 
یەک کەوچک لە نەعناعی ووشک کراو . 
گیراوەی دوو لیمۆ . 
خوێ و بیبەر . 
یەک کەوچک بەھارات . 
چۆنیەتی ئامادەکردنی : 
برنجەکە بۆ ماوەی ٢٠ خولەک دەخەیتە نێو ئاو ، دواتر چەند جارێکی دەیشۆیتەوە بۆ ئەوەی ئاوەکەی پاک بێت . 
تەماتەکە سپی دەکرێت و بەباشی کەرت کەرت دەکرێت . 
مەقلیەک دەھێنین و زەیتی تێدەکەین ئینجا سیر و پیازی تێدەکەین و لەگەڵ یەکتری تێکەڵی دەکەین . 
ئینجا تەماتەکە و برنجەکەی تێدەکەین بۆ ئەوەی لەگەڵ سیر و پیازەکە تێکەڵ بێت ، ئینجا بەھارات و خوێ و گیراوەی لیمۆی بۆ زیاد دەکەین ، ئەم پێکھاتەیە بۆ ماوەی سێ خولەک لەسەر ئاگر دەھێلێنەوە، ئینجا دەری دەھێنن و قیمەکە دەخەینە لایەکەوە . 
ئامادەکردنی پەلکە مێوەکە : 
لەم قۆناغە گەڵای مێوەکە دەخەینە مەنجەڵێک بۆ ئەوەی لەناو بکوڵێت . 
ئینجا لەسەر ئاگر دەبێت تا رەنگی لە سەوزەوە دەگۆڕێت بۆ زەرد ، ئەو کاتە دەزانین ئامادەیە بۆ ئەوەی قیمەکەی تێبکەین. 
ئینجا دانە دانە گەڵای مێوەکان لەسە شوێنێکی تەخت دادەنێین و قیمەی لەسەر دەکەین . 
بەشێوەیەکی جوان گەڵاکان لەگەل قیمەکە لوول دەدەین بۆ ئەوەی دیمەنێکی جوانی ھەبێت . 
ماوەی کاتژمێرێکی دەوێت تا ھەموو کارەکە تەواو دەبێت ، چونکە دەبێت بە وریایی بکرێت و پەلەی لێ نەکرێت. 
قۆناغی کۆتایی : 
پەتاتەکە لەگەڵ تەماتەکە کەرت کەرت دەکەین و لەژێرەوەی مەنجەڵەکەی دادەنێین . 
ئینجا گەڵا مێوەکان بەشێوەی چین چین لەناو مەنجەڵەکە دادەنێین. 
ئینجا لیمۆیەکە کەرت دەکەین و لەسەرەوەی مێوەکانی دادەنێین. 
ھەندێک زەیتی تێدەکەین بۆ ئەوەی رەنگی گەڵا مێوەکە جوانتر بێت. 
ئینجا دوو کوپ و نیو ئاوی تێدەکەین و ھەندێک پاڵەپەستۆ دەخەینە سە گەڵا مێوەکان بۆ ئەوەی ئاوەکە بەتەواوی مێوەکان داپۆشێت . 
بۆ ماوەی ١٥ خولەک لێی دەگەڕێین تا ئاوەکەی کەم دەکات / دوای ئەوەی دڵنیا بووین ئاوەکە کەم بووتەوە ، ئاگرەکەی نزم دەکەینەوە و لێ دەگەڕێن یالنجیەکە بە ھێمنی بکوڵێتو پێویستە سەر مەنجەڵەکە بەباشی دابخەین. 
ئەم کردارە ماوەی کاتژمێرێکی پێویستە بۆ ئەوەی پێبگات . 
دوای ئەوەی ئامادەبوو دەکرێت لەگەڵ لیمۆ و ماستاو پێشکەش بکرێت . 
سەرچاوە | الموضوع 



«  مافی بڵاوکردنه‌وه‌ی ئه‌م بابه‌ته‌ بۆ کوردزۆن پارێزراوه »  
2131بینین‌‌‌
2 ساڵ پێشتر - Nov 18 2019 4:02PM