یەکێک لەو بابەتانەی قسەیەکی زۆر ھەڵدەگرێت ئەوەیە ، چۆن لەم سەردەمەی ئێستا ژیانێکی ھاوسەرگیری سەرکەوتووانەت ھەبێت ، لەوانەیە بەلای ھەندێک کەس بابەتەکە زۆر ئاڵۆز بێت ، بەڵام لە راستیدا بابەتەکە ئاسانترە و تەنھا پێویستی بە بیرێکی کراوە ھەیە بۆ ئەوەی لە نھێنیەکانی سەرکەوتنی ژیانی ھاوسەرگیری تێبگەین .
لەم بابەتە ھەندێک رێنماییتان بۆ دەخەینە روو کە یارمەتیدەرن بۆ ئەوەی ژیانێکی سەرکەوتووانەت ھەبێت لەگەڵ ھاوژینەکەت .
١.سەرنجت لەگەڵ ھاوژینەکەت بێت .
لە ئێستادا بەشێکی زۆری ھاوسەران کاتێکی زۆر لەدەرەوە بەسەر دەبەن بەھۆی کارەکانیان ، بەڵام پێویستە لەسەریان ئەو کاتەی دەگەڕێنەوە ماڵەوە ، زیاتر خۆشەویستی بە یەکتری ببەخشن ئەگەر بە سادەترین شێوەش بێت ، پێویستە کارەکان لەدەرەوە جێ بھێلن و ماڵەوە بۆ خۆیان تەرخان بکەن .
٢.دڵنیاکردنەوەی یەکتری بە خۆشەویستی و بەردەوام بوون لەسەر ژیانی ھاوسەری .
پێویستە ماوە نا ماوە ھەردوو ھاوسەر خۆشەویستی بۆ یەکتری دووپات بکەنەوە و بەڵێن بە یەکتری بدەن لە خۆشی و ناخۆشییەکان بە یەکەوە بن و ئەمەش تەنھا بە قسە نەبێت بەڵکو بە کرداریش بۆ یەکتری بسەلمێنن .
٣.گۆڕینی رۆتین .
ژیانی ھاوسەرگیری بە تێپەڕبوونی کات بە شێوەیەکی رۆتینی دەچێتە سەر ، لەبەر ئەمە پێویستە لەسەر ھاوسەران ماوە نا ماوە گۆڕانکاری لەم رۆتینە بکەن ، جا چ بە گەشت کردن بێت ، یا بەسەربردنی کاتێکی خۆش بێت لەگەڵ یەکتری لەدەرەوە ، بۆ ئەوەی بێزاری لە خۆیان دووربخەنەوە .
٤.متمانە بە یەکتری بکەن .
راستگۆیی بنەمای سەرکەوتنی ژیانی ھاوسەرگیرییە ، لەبەر ئەمە پێویستە ھەردوو لا متمانە بە یەکتری بکەن و راستگۆیانە لەگەڵ یەکتری بدوێن .
٥. پەیوەندییەکی باشییان ھەبێت :
پێویستە جار جارە ھەدوو ھاوسەر نوێکاری لە پەیوەندییەکانیان بکەن و بەشێوەیەکی شارستانیانە گفتوگۆ لەگەڵ یەکتری بکەن و بیروڕا لەگەڵ یەکتری ئاڵوگۆڕ بکەن .
٦. ژیانی ھاوژینی لە پێش ھەموو شتێک بێت .
ھەردوولا لە دەرەوە و لەناو ماڵ بەرپرسیاریەتیان لەسەرە ، بەڵام ئەمە نابێت ببێتە بیانوو بۆ ئەوەی ژیانی ھاوژینیان پشت گوێ بخەن ، پێویستە لەسەر ھەردوو لا لەسەر ئەوەی رێکبکەون کە ژیانی ھاوژینیان لە پێش ھەموو شتێک دێت و ئینجا کارەکانی دیکە پلەبەندی وەردەگرن .
٧.بەشداری بکەن لە بەخێوکردنی منداڵەکان .
بەخێو کردنی منداڵ تەنھا ئەرکی یەک کەس نیە ، بەڵکو دایک و باوک بەرپرسن لە بەخێو کردنی منداڵەکان و ھەریەکەیان رۆلێک دەگێڕێت و پێویستە لەسەریان بەتەواوەتی ئەو ئەرکە لە ئەستۆ بگرن و نابێت لەکاتی ھەڵەکان یەکتری خەتابار بکەن ، بەڵکو منداڵ نەمامێکە بە ئاودان و بایەخدانی ھەردوو لا پێدەگات .
سەرچاوە | الموضوع