بۆچی لێومان شەق دەبێت؟
ماموستا یاسین احمد - وه‌رگێری ماڵپه‌ر
لەم بابەتە بەکورتی ھۆکارەکانی شەق بوونی لێوەکانتان بۆ دەخەینە روو :
١.بەردەوام تەڕکردنی لێو بە زمان :
ھەندێک کەس بۆ چارەسەرکردنی کێشەی شەق بوونی لێوەکانی پەنا دەباتە بەر تەڕکردنی بە زمانی ، ئەمەش ھەڵەیە بەڵکو زیاتر وشکتری دەکات و شەق بوونەکە زیاتر دەبێت ، ھەروەھا گەزتنی لێوەکان کاریگەری نەرێنی ھەیە لەسەر شەق بوونی لێوەکان .
٢. بەکارھێنانی ھەندێک دەرمان :
خواردنی ھەندێک دەرمان کاریگەری نەرێنی ھەیە لەسەر شەق بوونی لێوەکان لەو دەرمانانەش (ریتینۆید) ئەمەش جۆرە دەرمانێکە بۆ چارەسەری نەخۆی سەدەفی بەکاردێت لەگەڵ چارەسەری زیپکە .
٣. تووشبوون بەھەندێک نەخۆشی پێست .
ھەندێک نەخۆشی پێستی ھەیە کاریگەری نەرێنی ھەیە لەسەر شەق بوونی لێوەکان لەوانەش :
• ئەگزیما .
• نەخۆشی کۆڕۆن .
• سارکۆید
٤.وشکبوونی لەش :
کاتێک لەشی مرۆڤی توشی وشک بوون دەبێت ، ئەوا راستەوخۆ کاریگەری دەبێت لەسەر شەق بوونی لێوەکان ، ئەمەش بەھۆی کەم خواردنەوەی ئاو روودەدات و ھەروەھا زۆر وەستان لەبەر ھەتاو .
٥. بەردەوام ھەناسەدان لەرێگە دەمەوە .
کاتێک بەردەوام ھەوا بە نێو دەمت ھاتووچۆی دەکات ، ئەمە دەبێتە ھۆی وشک بوونی لێوەکان ، لەبەر ئەمە تا دەکرێت لە کاتی رۆژدا بە لووتت ھەناسە بدە .
سەرچاوە | الموضوع
|
« ته‌واوی بابه‌ته جوانكاریه‌كان ئامۆژگاری گشتین، بۆ وه‌رگرتنی چاره‌سه‌ری گونجاو سه‌ردانی پزیشك بكه! »
|
« مافی بڵاوکردنه‌وه‌ی ئه‌م بابه‌ته بۆ کوردزۆن پارێزراوه »
|