ھەمووان بەدوای بەختەوەری خێزانی وێڵن ، بەڵام ئەمە پێویستی بە کردارە و بە تەنھا بە قسە ناکرێت ، ھەرچەندە کردارەکان سادەن و بە ئاسانی جێ بەجێ دەکرێن ، لەبەر ئەمە گەر دەتەوێت لە ژیانی ھاوژینیت بەختەوەر بی ئەوا گرنگی بەم ئامۆژگارییانە بدە .
١.رێز لە ھاوژینەکەت بگرە .
گەر دەتەوێت خێزانەکەت بەختەوەر بێت ، یەکەم کارت بریتی دەبێت لە رێزگرتن لە ھاوژینەکەت ، چونکە بنەمای سەرەکی خێزانی بەختەوەر رێزگرتنە .
٢. گرنگی بە خۆت و جلوبەرگت بدە .
گرنگ نییە باشترین مارکەی جلو بەرگ لەبەر بکەیت و یاخود گرانترین بکڕیت ، ئەوەی گرنگە جلوبەرگت و لەشت خاوێن و پاک بێت و بۆنی ناخۆشی لێ نەیەت .
٣. لەھەڵە بچووکەکان ببورە .
ژیانی ھاوژینی شەپۆڵی ھەڵکشان و داکشان بەخۆیەوە دەبینێت ، بەتایبەتی لەم بارودۆخەی ئێستای خەڵک ، لەبەر ئەمە پێویستە لەسەرت لە ھەڵە بچووکەکان ببووری ، بۆ ئەوەی ئەم ھەڵانە گەورە نەبن و ژیانی ھاوسەریت تێکبدات .
٤. نەنگیەکانی ھاوژینەکەت داپۆشە .
ھەر مرۆڤێک بە ئەندازەی خۆی لە ژیان ھەندێک کەم و کورتی ھەیە ، جا جەستەیی بێت یا رەفتار بێت ، لەسەر ھاوژینەکان پێویستە ئەم کەم و کورتیانە داپۆشن و زەقی نەکەنەوە ، چونکە گەورەکردنی دەبێتە ھۆی تێکچوونی شیرازەی خێزانی .
٥. بەردەوام پەیوەندیتان ھەبێت .
سەرەڕای سەرقاڵ بوونتان بە کارەکانتان ، بەڵام نابێت ئەوە لەبیر بکەن کەپێویستە بەردەوام رۆژانە لە پەیوەندی دابن لەگەڵ یەکتری بۆ باسکردنی بابەتە گرنگەکانی ژیان .
٦. لەھەواڵی ھاوژینەکەت بپرسە .
بزانە رووداوەکانی ئەمڕۆی چی بووە و تووشی چ کێشەیەک ھاتووە ، ئەمە مانای گرنگیدانە بە ژیانی بەرامبەرەکەت و ئەم کارە ھاوژینەکەت دڵخۆش دەکات .
سەرچاوە | الموضوع