یەکێک لەو گرفتانەی رووبەرووی دایک و باوکان دەبێتەوە بریتیە لەوەی کە کێشی منداڵەکانیان کەمە ، زۆربەی دایکان و باوکان کە دەبینن منداڵەکانیان زۆر لاوازە ھەست بە دڵتەنگی دەکەن ، بەڵام دەکرێت سەرەتا گرنگترین ھۆکارەکانی ئەم دۆخە دیاری بکەین :
١.رێژەیەکی باش لەو خواردنانە ناخوات کە کالۆریەکی بەرزی تێدایە .
٢. سەرقال بوونی بە یاریکردن و چێژ وەرنەگرتن لە خواردن .
٣. ھەندێک منداڵ بەتایبەتی لە قۆناغی ساوایی پێویستی خۆیان لە شیر بۆ دابین ناکرێت ، ئینجا یا ئەوەتا دایکەکە شیری پێویستی نییە یا ناتوانێت و ونازانێت شیرەکە بە شێوەیەکی تەندروست بداتە منداڵەکەی .
٤. ھەندێک جار نەخۆشی لە کۆئەندامی ھەرس ھۆکارە ، چونکە کێشەی ھەرس وا دەکات منداڵەکە کێشی زیاد نەکات .
٥. ھەندێک نەخۆشی ھەیە وا دەکات منداڵ نەتوانێـت بە تەواوەتی خواردنەکەی بمژێت وەک نەخۆشی کەم خوێنی و هەستیاری پرۆتین و و هەستیاری دانەوێلە .
ھەروەھا ھەندێک ھۆکاری دیکەیە ھەیە کە پەیوەندییان بە کەشی ژیانی منداڵەکە ھەیە لەوانە :
• لاوازی پەیوەندی نێوان منداڵەکە و دایک و باوکی .
• ھەژاری خێزانی منداڵەکە .
• شارەزا نەبوونی دایک و باوک بە سیستەمی خۆراکی و رادەی کالۆری پێویست .
• ئەنجامدانی ھەندێک نەریتی ھەڵەی خۆراکی . وەک خواردن لەبەردەم تەلەفزیۆن و رێکنەخستنی کاتەکانی ژەم خواردن.
سەرچاوە | الموضوع