سوودەکانی سیحراویەکانی زەیتی لافندەر بۆ قژ
ماموستا یاسین احمد - وه‌رگێری ماڵپه‌ر
زەیتی لافندەر یەکێکە لە زەیتە بۆن خۆشەکان و زۆر سەرنج راکێشە کە لەرووەکی لافندەر دەردەھێندرێت ، زەیتی لافندەر سوودێکی یەکجار زۆری بۆ مرۆڤ ھەیە بە تایبەتی بۆ قژ و رووخسار .
لەم بابەتەش تیشک دەخەینە سەر گرنگترین سوودەکانی زەیتی لافندەر :
١.قژ بەھێز دەکات .
بەپێی ئەو توێژەینەوانەیە کە ئەنجامدراوە دەرکەوتووە کە زەیتی لافندەر کاریگەری ھەیە لە ھاتنەوەی قژ و یارمەتیدەرە بۆ چارەسەرکردنی رووتانەوەی قژ .
٢. دژە میکرۆبە :
یەکێکی دیکە لە تایبەتمەندییەکانی زەیتی لافندەر ئەوەیە ، تایبەتمەندی دژە میکرۆبی لە خۆ دەگرێت ، ئەمەش وا دەکات سوودێکی زۆری بۆ قژ و سەری مرۆڤ ھەبێت و چارەسەری تۆشکە بکات .
٣. لەناوبردنی رشک و ئەسپێی قژ :
بەپێی توێژینەوەکان دەرکەوتووە کە زەیتی لافندەر لەگەڵ زەیتی داری چا ، دەتوانن یارمەتیدەر بن بۆ خۆپاراستن لە رشک و ئەسپێی قژ .
٤. نەھێشتنی ئاوسانی پێست :
بەھۆی ئەوەی لە پێکھاتەکەی مادەی دژە ئاوسان ھەیە ، زەیتی لافندەر کاریگەری باشی ھەیە لەسەر ئاوسانی پێست و سووتانەوەی سووک و ووشک بوونی پێستی سەر و پێوەدانی ھەندێک زیندەوەر .
٥. ھێورکەرەوەیە :
زەیتی لافندەر بۆنێکی زۆر خۆشی ھەیە و ھێورکەرەوەیە کە دەکرێت وەک بۆنێک بۆ ھێورکردنەوەی مێشک بەکار بھێندرێت وئارامی بە مرۆڤ دەبەخشێت .
سەرچاوە | پێگەی دەیلی میدیکەڵ
|
« ته‌واوی بابه‌ته جوانكاریه‌كان ئامۆژگاری گشتین، بۆ وه‌رگرتنی چاره‌سه‌ری گونجاو سه‌ردانی پزیشك بكه! »
|
« مافی بڵاوکردنه‌وه‌ی ئه‌م بابه‌ته بۆ کوردزۆن پارێزراوه »
|