دوای ئەوەی دایک و باوک ھەست دەکەن منداڵەکەیان تووشی خەمۆکی بووە ، پێویستە لەسەریان پەنا ببەن بۆ چارەسەری منداڵەکەیان ئەمەش دەکرێت بە دوو رێگە بێت :
چارەسەری دەروونی :
چارەسەری دەروونی یەکێکە لەو رێگایانەی دەگیرێتە بەر بۆ چارەسەری خەمۆکی لەلای منداڵان ، بەڵام ئەمە دەبێت لەژێر سەرپەرشتی کەسی پسپۆڕ بێت .
کەسە پسپۆڕەکە دەست نیشان دەکات و ئینجا رێگەکانی چارەسەری دادەنێت .
یەکێک لەو رێگە چارەسەریانەی لە ئێستادا بۆ منداڵان بەکار دێت بریتیە لە بەکارھێنانی مۆسیقا وەک چارەسەر و ھەروەھا شێلانی منداڵ بە یەکێک لەچارەسەرە باشەکان داندراوە لە دۆخی خەمۆکی .
ھەروەھا دۆخی خەمۆکی منداڵان پسپۆڕان پەنا دەبەنە بەر چارەسەری دەروونی کەسی و ھەروەھا چارەسەری رەفتاری منداڵەکە.
ھەندێک جار ئەم جۆرە چارەسەرییانە لە چەند ھەفتەیەک تا چەند مانگێک درێژ دەبێتەوە و لەو ماوەیە ھەوڵدەدەرێت قۆناغ بە قۆناغی چارەسەر بکرێت .
ھەندێک جاریش منداڵەکە پێویستی بە چارەسەری درێژ خایەن دەبێت .
چارەسەر بە دەرمان :
ھەندێک جار پزیشکەکان پەنا دەبەنە بەر چارەسەری دەرمان ، لە ساڵی ٢٠١٥ بە دواوە رێکخراوی خۆراکی جیھانی رەزامەندی لەسەر پێنج دەرمان داوە کە دەکرێت وەک چارەسەری خەمۆکی منداڵان بەکاربھێندرێت.
ئەم دەرمانانەش بە پێی بار و تەمەنی منداڵەکان دەگۆڕێت .
ھەندێک لەو دەرمانانەی رەزامەندیان لەسەر دراوە بۆ چارەسەری خەمۆکی منداڵان بریتین لە (سیرترالین ، فلۆفۆکسامین ، فلۆکستین) .
لەگەڵ ئەوەش ھەندێک لەو دەرمانانە زیانی لاوەکیان ھەبووە لەبەر ئەمە دەبێت لەژێر سەرپەرشتی پزیشکی تایبەت بەکاربھێندرێت .
ھەروەھا ئەو منداڵانە ئەو جۆرە دەرمانانە بەکاردەھێنن نابێت بە بێ رەزامەندی پزیشکەکان واز لە دەرمانەکە بھێنن .
سەرچاوە الموضوع