چ وەک نەریت یا وەک ئاین لە دێر زەمانەوە ھانی مرۆڤ دراوە ھاوسەرگیری بکات چونکە لەلایەک سوودی زۆرە و لەلایەکی دیکەش پرۆسەی ھاوسەرگیری چەند ئامانجێکی گرنگی ھەیە لەم بابەتە ھەوڵدەدەین ھەندێک لەئامانجەکان و سوودەکانی ھاوسەرگیریتان بۆ روون بکەینەوە .
• ھاوسەرگیری جێ بەجێ کردنی یەکێک لە فەرمانەکانی خوای گەورەیە و سونەتی پێغەمبەرمانە (د.خ) .
• ئاسوودەیی بە دەروونی بە مرۆڤ دەبەخشێت و ھاوژینێک دەبن بۆ یەکتری و ھەریەکە لە پیاو و ئافرەت ھاودەمێک بۆ خۆیان دەدۆزنەوە، ئەمەش دەبێتە مایەی بەختەوەری .
• ھاوسەرگیری پیاو و ئافرەت دەپارێزیت لەوەی رێگەی نا پەسەند بگرنە بەر بۆ تێرکردنی ئارەزووەکانیان .
• پاراستنی رەچەلەکی مرۆڤ لە لەناوچوون، ئەمەش لەرێگەی وەچە خستنەوەوە.
• بونیات نانی خێزان و ھەوڵدان بۆ پاراستنی خێزان کە بنەمای سەرەکی کۆمەڵگەیە و ئەمەش رێگەی گەشەکردنی میللەتانە.
• دەبێتە مایەی ھاوکاری لە نێوان ئەندامانی کۆمەڵگە، چونکە ھاوسەرگیری پرۆسەیەکی گرنگە و چەند لایەک بەشدار دەبن لە پێکھێنانی.
• دەبێتە ھۆی بڵاوبوونەوەی خۆشەویستی لە نێوان کۆمەڵگە، چونکە دەبێتە ھۆی تێکەڵاوبوونی چەند خێزانێک لەگەڵ یەکتری .
• پاراستنی کۆمەڵگە لەو نەخۆشییانەی کە بەھۆی پەیوەندییە ناشەرعیەکان دروست دەبن، چونکە ئەگەر ھاوسەرگیری نەبێت کۆمەڵگەکان و میللەتان لە ناو دەچن.
• تێرکردنی غەریزەی دایکایەتی و باوکایەتی کە زۆرینەی خەڵک خۆزگەی پێدەخوازن و ئاواتی ھەموو ھاوسەرانە .
سەرچاوە | الموضوع