منداڵێکی تەمەن نۆ ساڵ لەگەڵ باوکی دانیشتبوو و قسەیان دەکرد
باوکەکە شووشەیەکی شەربەتی بە کوڕەکە نیشاندا کە پرتەقاڵێکی گەورەی تێدا بوو
منداڵەکە سەری سوڕما چۆن ئەم پرتەقاڵە گەورەیە لە ناو ئەو شووشە بچووکە جێگەی بووتەوە و تازە ناتوانێت بھێندرێتە دەرەوە..
منداڵەکە لە باوکی پرسی : باوکە ئەو پرتەقاڵە چۆن چووتە نێو ئەم شووشەیە ..
باوکەکە بەقسە وەڵامی نەدایەوە ..
بەڵکو کوڕەکەی بردە نێو باخچەی ماڵەوەیان و شووشەیەکی بەتاڵی ھێنا و بە دارێک بەستایەوە و ئینجا لقێکی ئەم دارەی خستە نێو ئەم شووشەیە ..
دوای ماوەیەک قۆناغ بە قۆناغی پرتەقاڵێک لە نێو شووشەکە گەورە دەبوو و تا وای لێھات ئەستەم بوو لە نێو شووشەکە بێتە دەرەوە ..
لەم کاتە منداڵەکە وەڵامەکە زانی و سەرسوڕمانەکە نەما ...
لەم کاتە باوکەکە گووتی : کوڕی خۆم لە ژیان رووبەرووی چەندین کەس دەبیتەوە ، ھەرچەندە ئەم کەسانە زیرەک و لێھاتوون و لە پێگەی گرنگن ، بەڵام رێگەیەک دەگرنە بەر کە لەگەڵ پێگەو ئاستی رۆشنبیریان ناگونجێت و ھەندێک خووی خراپ ئەنجام دەدەن گە جێگەی باوەڕکردن نییە ..
چونکە ئەم جۆرە رەفتارانە لە ناخیان رواوە لەو کاتەی منداڵ بوون و لەگەڵیان گەورە بووە ، دواتر نەیانتوانیووە لێی رزگار ببن ، وەک چۆن پرتەقاڵەکە نەیتوانی رزگاری ببێت ..
قورسە مرۆڤ بتوانێت واز لەو خووانە بێنێت کە بە منداڵی لەسەری گەورە بووە ، بەتایبەتی ئەگەر خوویەکی خراپ بوو ، چونکە ماوەیەکی زۆر لەگەڵی گەورە بووە ..
لەبەر ئەمە پێویستە لەسەرمان زۆر ئاگاداری منداڵەکانمان بین و لە بچووکیەوە لەسەر پەروەردەی باش پەروەردەیان بکەین و لە داب و نەریت خراپ دووریان بخەینەوە ..