»  کورتەچیرۆک

تۆ باشترین وانەت پێدام

ماموستا یاسین احمد - وه‌رگێری ماڵپه‌ر
لە یەکێک  لە وێستگەی میترۆکان گەنجێکی لەڕو لاواز کاری پێنوس فرۆشی دەکرد .. 
لەگەڵ کارەکەی چاوی لەوەبوو خەڵک یارمەتی بدەن و خێری پێبکەن .. 
رۆژێکیان پیاوێک بەلای تێپەڕی و دۆلارێکی خستە ناو کیسەکەی بەردەمی ، ئینجا سواری میترۆکە بوو ... 
دوای چەند ساتێک پیاوەکە گەڕایەوە لای گەنجەکە .. 
چەند قەڵەمێکی ھەڵگرت و بەداوای لێبوردنەوە گووتی : لەبیرم کرد قەڵەمەکان ھەڵبگرم .. 
ئینجا رووی لە گەنجەکە کرد و گووتی : تۆ وەک من خاوەن کاری و کەلوپەلێکت ھەیە و دەیفرۆشی و نرخەکانی گونجاوە و ھیوادارم زیاتر بایەخ بە کارەکەت و بەخۆت بدەیت و ببیتە کەسێکی خاوەن کاری راستەقینە .. 
ئینجا پیاوەکە گەنجەکەی جێھێشت و سواری میترۆکە بوو .. 
دوای چەند ساڵێک لەم رووداوە و لە یەکێک لەبۆنە کۆمەڵایەتیەکان .. 
گەنجێکی پۆشتە ورێک وپێک لە پیاوەکە نزیک بووە و خۆی پێناساند .. 
گەنجەکە بە پیاوەکەی گووت : وابزانم بەڕێزتان من نا ناسنەوە ...!! 
بەڵام من تا ماوم لە ژیان بەھیچ شێوەیەک بەڕێزتان لە یاد ناکەم ، چونکە تۆ رێز و شکۆت بۆ من گەڕاندەوە .. 
من پێشتر وەک سواڵکەرێک سەیری خۆم دەکرد و خۆم بە فرۆشتنی قەڵەم خەریک کردبوو ، تا ئەو کاتەی تۆ ھاتی و گووتت ، تۆ خاوەن کاری و پێویستە کارەکەت بە باشی بکەیت و گرنگی پێبدەیت .. 
لەم رۆژە بە دواوە ژیانم گۆڕا و بەچاوێکی دیکە سەیری خۆم کرد و ئێستاش تەواو ژیانم گۆڕاوە و بەڕاستی بوومەتە خاوەن کار و پێگەیەکی باشی کۆمەڵایەتی و ئابووریم ھەیە .. 
یەکێک لە دانایان دەڵێت "مرۆڤەکان زۆر زیاتریان لەھەگبەدایە لەوەی پێشبینی دەکەن بۆ خۆیان ، تەنھا گرنگە لەسەریان خودی خۆیان بدزۆنەوە و گرنگی پێبدەن " . 



146بینین‌‌‌
8 مانگ پێشتر - Apr 2 2021 1:27PM