چۆن پارێزگاری لە جوانیت دەکەیت لەمانگی رەمەزان
ماموستا یاسین احمد - وه‌رگێری ماڵپه‌ر
١.سەرەتا نابێت ئەم ھەنگاوانە پشتگوێ بخەیت ، رۆژانە رووخسارت بشۆ و کرێمی تایبەتی لێبدە ، بەتایبەت ئەگەر ھەندێک ماکیاژت کردبوو ، بۆ ئەوەی پێستی رووخسارت لە ووشک بوون بپارێزی .
٢. دوای بەربانگ بەلایەنی کەم ھەشت کوپ ئاو بخۆرەوە تا دەگەیتە پارشێو بۆ ئەوەی قەرەبووی ئەو ئاوە بکەیتەوە کە لەدەستی دەدەیت .
٣. بۆ پارێزگاریکردن لە بۆنی دەم ، کاتی پارشێو کوپێک چای سەوز بخۆرەوە ، چونکە ئەو مادانەی تێدایە کە یارمەتیت دەدات بۆ لەناوبردنی بەکتریا کە بۆنی دەم ناخۆش دەکەن . ھەروەھا دەکرێت ھەندێک ھێل و دارچین لەچایەکەت بکەیت کە بەھەمان شێوە کاریگەریان لەسەر بەکتریا ھەیە و بۆنی دەم خۆش دەکەن .
٤. تا دەکرێت سەوزەوات بخۆ وەک کەرەوز و مەعدەنووس و نەعناع و تەرەتوولە ، چونکە ئەمانە مادەی کلۆرۆفیل لەخۆ دەگرن و رووبەرووی میکرۆبەکان دەبنەوە و یارمەتیدەرن بۆ بۆن خۆشکردنی دەم .
٥. ھەفتانە(حەمام زەیت)ێک بۆ قژت ئەنجام بدە ، بۆ ئەوەی پارێزگاری لە قژت بکەیت ، ھەروەھا زەیتی زەیتوون بەکاربھێنە یا زیەتی گوێزی ھیندی یا زەیتی باوی و زەیتی کونجی ، ئەمانە ھەموویان سوودیان بۆ قژ ھەیە .
٦. پارێزگاری لەکاتەکانی نووستنت بکە ، نابێت رۆژانە لە ٦ کاتژمێر کەمتر بخەویت ، بۆ ئەوەی رێگری لە دەرکەوتنی رەشایەتی پێش چاو بگری و دووربکەوە لە ماکیاژی زۆر ، بۆ ئەوەی پێستی رووخسارت تێک نەچێت .
سەرچاوە | پێگەی سیدتی
|
« ته‌واوی بابه‌ته جوانكاریه‌كان ئامۆژگاری گشتین، بۆ وه‌رگرتنی چاره‌سه‌ری گونجاو سه‌ردانی پزیشك بكه! »