»  کورتەچیرۆک

پارچەیەک زەوی لە بەھەشت بەچەندە ؟!

ماموستا یاسین احمد - وه‌رگێری ماڵپه‌ر
رۆژێکیان ئافرەتێک بە تەنیشت پیاوێکی بیرکۆڵ تێپەڕی .
پیاوە بیرکۆڵەکە ھەندێک وێنەی لەسەر زەوی دەکێشا . 
ئافرەتەکە بەزەیی پێداھاتەوە و پێی گووت : ئەمە چی دەکەیت ؟ 
پیاوەکە گووتی : وێنەی بەھەشت دەکێشم و و دەیکەمە چەند بەشێک .

ئافرەتەکە گووتی : دەتوانی بەشێکم پێ بفرۆشیت و نرخەکەی چەندە . 
پیاوەکە بەزەردەخەنەیەکەوە سەیری ئافرەتەکەی کرد و گووتی پارچە زەوییەک بە ٢٠ ریالە . 
ئافرەتەکە ٢٠ ریالی بە پیاوەکە دا و ھەندێک خۆراکیشی پێدا . 

کاتێک شەو داھات ئافرەتەکە نووست و لە خەودا بینی وا لە بەھەشتە..!! 
بۆ بەیانیەکەی ئافرەتەکە بەسەرھاتەکە و خەونەکەی بۆ ھاوسەرەکەی گێڕایەوە، کە چی کردووە لەگەڵ پیاوە بیرکۆڵەکە. 
لەم کاتە ھاوسەری ئافرەتەکە چووە دەرەوە و رووی لەلای پیاوە بیرکۆڵەکە کرد. 

ھاوسەری ئافرەتەکە بە پیاوە بیر کۆڵەکەی گووت: دەمەوێت پارچە زەوییەک لە بەھەشت بکڕم. 
پیاوە بیرکۆڵەکە گووتی : نایفرۆشم . 
ھاوسەری ئافرەتەکە لەم وەڵامە سەری سوڕما و گووتی : باشە تۆ دوێنێ پارچەیەک زەویت لە بەھەشت بە ٢٠ ریال فرۆشتە خێزانەکەم، بۆ ئێستا بە منی نافرۆشی .

پیاوە بیرکۆڵەکە گووتی : خێزانەکەت پارچەیەک لە بەھەشتی نەدەویست بە ٢٠ ریال بەڵکو بەزەیی بە من داھاتەوە و یارمەتی دام. 
بەڵام تۆ بەھەشتت بەم پارەیە دەوێت و بەھەشتیش نرخی دیاریکراوە نییە.!! 
چونکە چوونە بەھەشت بە دەستھێنانی رەزامەندی خوای گەورە و خەڵکە .

پەند : 
لە ھەر کارێک کە دەیکەیت با نیەتت خێر بێت و چاوت لە پاداشت بێت، چونکە دڵنیابە خوای گەورە پاداشتت دە ئەوەندە دەداتەوە کە خەرجت کردوە و ھەرگیز بێ ئومێدت ناکات.


«  مافی بڵاوکردنه‌وه‌ی ئه‌م بابه‌ته‌ بۆ کوردزۆن پارێزراوه »  
4321بینین‌‌‌
3 مانگ پێشتر - Jul 31 2021 11:06AM