لەمانگی رەمەزانی پیرۆز بەھۆی بەرۆژووبون ھەندێک لە شلەمەنیەکانی ناو لەش کەم دەکات و ئەم شلەمەنیانەش بەشێوەیەکی گشتی ھۆکارن بۆ تەڕ بوونی پێست و رووخسار، چونکە لەماوەی کاتەکانی بەرۆژووبوون ئاو لە لەش کەم دەکات ئەمەش دەبێتە ھۆکارێک بۆ ئەوەی رووخساری مرۆڤ ھەندێک لە رەونەق و جوانی خۆی لەدەست بدات بەبەراورد بە کاتەکانی دیکەی ساڵ . 

بەڵام گەر ھاتوو ئەم ئامۆژگاریانەی رۆژانە جێ بەجێ کرد ئەوا دەتوانی خۆت بپارێزی لە ووشک بوونی پێستەت لە مانگی رەمەزان :

پێویستە لەسەرت لە دوای بەربانگ کردنەوە تا پارشێو رێژەیەکی زۆر ئاو بخۆیتەوە، ھەروەھا ئەو خۆراکانە بخۆیت کە رێژەیەکی زۆری ئاو و شلەمەنی لە خۆ دەگرێت بۆ ئەوەی قەرەبووی ئەو شلەمەنیانە بکەیتەوە کە جەستەت لە دەستی داوە لەکاتی بەرۆژووبوون و دەبنە ھۆکاری بۆ ووشک بوونی پێستت .

پێویستە لەسەرت زەڵاتەی سەوزەوات بکەیتە بەشێک لە خۆراکەکانی بەربانگ چونکە سوودێکی زۆری بۆ پێستەت  و تەندروسستیت ھەیە و ھەروەھا دەبێت ئەم زەڵاتەیە ئەمانەی خوارەوە لەخۆ بگرێت خاس و خەیار  چونکە رێژەیەکی زۆری ئاو تێدایە و ھۆکارێکی سەرەکیە بۆ چارەسەرکردنی ووشکبوونی پێست ھەروەھا ئەو ڤیتامیناتەی لەناو ئەم زەڵاتەیە ھەیە دەبێتە ھۆی ئەوەی خانەکانی پێستت جارێکی نوێ بێتەوە .

ھەوڵبدە رۆژانە دوای بەربانگ زەڵاتەیەکی تێکەڵی میوە بخۆیت، لەبری ئەوەی شیرنەمەنی بخۆیت کە ھۆکارە بۆ زیاد بوونی کێشت، زەڵاتەی میوە بخۆ، چونکە ئەم زەڵاتەیە دەبێتە ھۆکار بۆ گەشانەوەی رووخسارت و ڤیتامینی بەسودیشی زۆرە .

پێویستە لەسەرت دڵنیابیت لەوەی لەکاتی بەربانگ و پارشێو خۆراکەکانت بەشێوەیەکە کە سەرجەم پێکھاتە خۆراکیەکان لەخۆ دەگرێت بۆ ئەوەی قەرەبووی جەستەت بکەیتەوە لەو خۆراکانەی لەکاتی بەرۆژووبوون لەدەستی دەدات.

دووربکەوە لە تورشیات چونکە تورشیات ھۆکارێکە بۆ کەمبوونەوەی رێژەی شلەمەنی لە جەستە و ھەروەھا ئەو خۆراکانەی سوێرە بەھەمان شێوەی کاریگەی خراپی بەسەر لەشت دەبێت .

پێویستە لەسەرت ئەو جۆرە خۆراکانە بخۆیت کە ڤیتامین (A) لە خۆ دەگرێت وەک گێزەر و خاس و مەعدەنووس چونکە ئەم جۆرە ڤیتامینە رێگری دەکات لە ووشکبوونی پێستت و بەرەنگاری زبری پێست دەبێتەوە .

لەوانەیە بەھۆی گەرماوە ناچارت بیت رۆژانە بۆ چەندین جار روخسارت بشۆیت، بەڵام بەردەوام بوون لەسە ر ئەم کارە وا دەکات دەبێتە ھۆی ووشک بوونی پێستەت و گەر ناچاریش بووی بیشۆیت ئەوا ھەوڵبدە بە ئاوی سارد بیشۆیت .

پێویستە زیاتر لە رۆژانی ئاسایی گرنگی بە رووخسارت بدەیت و ھەوڵبدە رووخسارت خاوێن بکەیتەوە و نەرمکەرەوە بەکاربھێ، بۆ ئەوەی بەشە مردوەکەی پێستت لابدەیت .

ھەوڵبدە رۆژانە بۆ چەند جارێک کرێمی نەرم کەرەوە بەکار بھێنی بۆ دەستت و رووخسارت، بەتایبەتی ئەگەر ھەستت بە ووشک بون کرد بەڵام بە وریاییەوە بەکاری بھێنە .

ھەوڵبدە ئەو جۆرە ماسکانە دروست بکەیت کە رووخسارت نەرم دەکەنەوە و دەیپارێزی لە ووشک بوون و گرنگترین ماسکی رووخسار بۆ ئەم کاتە ماسکی ھەنگوینە :

دوو کەوچک ھەنگوین  - یەک کەوچک گیراوەی لیمۆ – ھەندێک گلیسرین .

ھەنگوینەکە لەگەل گیراوەی لیمۆکە و گلیسرینەکە تێکەڵ بکە، ئینجا لە رووخساری خۆتی بدە بۆ ماوەی ٢٠ خولەک، دواتر بە ئاوی گەرم بیشۆ .