ماڵ و کۆمەڵگە و قوتابخانە ڕۆڵێکی گرنگیان ھەیە لە گەشەپێدانی کەسایەتی منداڵ ، بەڵام لەنێو ھەموویان خێزان لەھەمووان زیاتر ڕۆڵی خۆی دەبینێت ، چونکە قۆناغی شەش ساڵی یەکەم لەماڵەوە بناغەی کەسایەتیەکەی دادەندرێت و زۆرترین کاتەکانی لەگەڵ خێزانەکەی بەسەر دەبات ، لەبەر ئەمە پێویستە لەسەر دایکان و باوکان زۆر بە وریایی مامەڵە لەگەڵ ئەم حاڵەتە بکەن ئەمەش بە گرتنەبەری چەند رێکارێک ، لەوانەش : 

١.ھەموو پێداویستیەکانی بۆ دابین مەکە : 

دەبێت ھەندێک جاری بەشێک لە داواکاریەکانی رەتبکرێتەوە بۆ ئەوەی بزانێت ھەموو شتێک لە ژیان بە ئاسانی بەدەست نایەت و بەھای شتەکانی لا گرنگ بێت . 

٢. لەکاتی پێویست بلێ نەخێر : 

لەسەر دایکان وباوکان پێویستە ھەندێک بنەما دابنێن بۆ ئەوەی منداڵەکان لەسەری بڕۆن و نابێت منداڵەکان ئەم رێنماییانە پێشێل بکەن ، چونکە ئەو منداڵانە زۆر بەنازەوە گەورە دەکرێت دەستەبەر کردنیان قورس  دەبێت . 

لەوکاتانەی کارێکی باش دەکات پێویستە لەسەرتان ستایشی کارەکەی بکەن بۆ ئەوەی بەردەوام بێت لەسەر ئەم جۆرە کارانە بەتایبەتی لەکاتی راستگۆیی و یارمەتیدانی کەسانی دیکە . 

پێویستە لە قۆناغەکانی ژیان منداڵەکەت بەرەو کاری باش راست ئاڕاستە بکەیت ، ئەمەش دەبێتە بنەمایەک بۆ ئەوەی بەردەوام بێت لەسەر ئەو کارانە ، وای لێبکە باش بێت و یارمەتی خەڵکی بدات لەکاری باشە . 

منداڵ چاودێری کارەکانی دایک و باوکی دەکات و لەوانەوە فێری شتەکان دەبێت ، لەبەر ئەمە پێویستە لەسەر دایک و باوک بە رەوشتێکی بەرزەوە مامەڵە بکەن و رێز لە خەڵکی بگرن و بە نەرم ونیانی ھەڵسوکەوت بکەن ، چونکە ئەمە دەبێتە ھۆی ئەوەی منداڵەکە ھەمان شت دووبارە بکاتەوە. 

گرنگە منداڵ لە قۆناغەکانی ژیان سوپاسی کەسانی دەوروبەری خۆی بکات بۆ ئەو کارانەی بۆی ئەنجام دەدەن. 

ئەو کارانەی پێویستە بەخۆی ئەنجامی بدات بۆی ئەنجام مەدە ، چونکە لەم دۆخە تۆ یارمەتی نادەیت بەڵکو بە پێچەوانەوە وا دەکەیت زیاتر پشت بە تۆ ببەستێت و پشت بە خۆی نەبەستێت ئەمەش کارێکی ھەڵە دەبێت . 

سەرچاوە | الموضوع