یەکێک لەو ئەرکانەی کە لەسەر دایک وباوکان پێویستە تێبینی توانای منداڵەکەیان بکەن بۆ ئەوەی ئاڕاستەی بکەن بەرەو رێرەوێکی باش و پەرەوەردەیەکی باشی ھەبێت و توانای ھەبێت بەسەر شتەکان زاڵ بێت ، بۆ گەشە پێدانی توانای منداڵەکانتان پێویستە رەچاوی ھەندێک خاڵ بکەن لەوانەش :
١.پێدانی رێنمایی :
یەکێک لەو ئەرکانەی پێویستە بۆ گەشەپێدانی منداڵ بریتیە لە پێدانی رێنمایی بۆ ئەنجامدانی کارەکە، ئەمەش بە پێی توانای منداڵەکە و تەمەنی دەبێت و نابێت دایکان و باوکان لە جیاتی منداڵەکانیان کارەکان ئەنجام بدەن، چونکە لەم حاڵەتە منداڵەکە پشت بەوان دەبەستێت و تواناکانی کپ دەبێت.
٢. پێدانی نموونە :
کاتێک منداڵ گەورە دەبێت و ھەست بە شتەکان دەکات ھەوڵدەدات گەشە بە تواناکانی خۆی بدات ئەمەش لەرێگەی چاودێری کردنی کەسانی دەوروبەر وەک دایک و باوک و ھاورێ و خزم و کەسوکار ، لەم حاڵەتە پێویستە دایک و باوکەکە نموونەیەکی باش بن لە رەفتار کردن و ئەنجامدانی کارەکان و ھەل بە منداڵەکەیان بدەن کارەکان بە شێوازی رێک ئەنجام بدات .
٣. ئاڕاستەکردنی تەندروست :
لەم حاڵەتە دەکرێت خانەوادەی منداڵەکە یارمەتی بدەن لە ئاڕاستەکردنی بەرەو ئاراستەیەکی باش ، ھەروەھا لە کاتی ئەنجامدانی کارەکان چاودێری بکەن و ھەڵەکانی بۆ راست بکەنەوە و ستایشی بکەن تا کارەکە بە شێوەیەکی باش تەواو بکات.
٤. ھەنگاو بە ھەنگاو گەشە بە تواناکانی بدە:
کاتێک دەتەوێت منداڵەکە کارەکانی گەورەتر بکات و ئاڵۆزتر بێت ، ئەوا نابێت ھەموو شتێکی بەیەک جار لێ داوای بکەیت، بەڵکو ئەم کارە ھەنگاو بە ھەنگاو دەبێت و پێویستە لە ھەنگاوەکان بچووکەکان دەست پێبکەیت و ئینجا یارمەتیدەر بن بۆ تەواو کردنی کارەکان تا دەگاتە دوا ھەنگاو .
سەرچاوە | الموضوع