»  هاوسەران

چۆن رەفتار لەگەڵ دایکت دەکەیت

ماموستا یاسین احمد - وه‌رگێری ماڵپه‌ر
بەشێوەیەکی گشتی ھەموو زیندەوەران دایکی خۆیان خۆش دەوێت، مرۆڤیش یەکێکە لەو بوونەوەرانەی دایکی خۆی خۆش دەوێت چونکە لە رووی ئاینی و کۆمەڵایەتیەوە دایک رێزێکی زۆری لێگیراوە و لە ئاینی ئیسلام گوتراوە کە بەھەشت لە ژێر پێی دایکانە واتا مەکانەتی دایک زۆر بەرزە، لەبەر ئەمە لەم بابەتە تیشک دەخەینە سەر چۆنیەتی رەفتارکردن لەگەڵ دایکان بۆ ئەوەی رێزێکی زۆریان لێبگرین:

کاتێک ئەو لە شوێنێکە تۆ بە ئەدەبەوە رەفتار بکە و نەکەی ھەرگیز دەنگت بەرزبکەیتەوە. 
ئاگاداری بە و با رەزامەندی ئەو لە پێشینەی ھەموو کارەکانت بێت. 
ھەموو پێداویستیەکانی بۆ دابین بکە و تەمبەڵیش لەم کارە مەکە. 
بە خۆشترین ناوبانگی بکە و نەکەی تەنھا بەناوی خۆی بانگی بکەی. 
پێش ئەو دامەنیشە و لەرۆیشتنیش پێشی مەکەوە. 
رۆژانە پێش دەرچوون لەماڵەوە وکاتی گەڕانەوە دەستەکانی ماچ بکە. 
بە رووخسارێکی گەشەوە پێشوازی لێبکە و ھەرگیز نەکەی خۆت لێی توڕە بکەیت. 
ئەگەر ھەڵەیەکی کرد بەشێوەیەکی نەرم قسەی لەگەڵ بکە ونەکەی بە توڕەیی مامەڵەی لەگەڵ بکەیت. 
خەرجی بکێشە و خواردنی خۆش و باشی بۆ دابین بکە و ئەگەر پێویستی بە پزیشک بوو ئەوا بەخێرایی بیبە لای باشترین دکتۆر . 
بەنەرم ونیانی قسەی لەگەڵ بکە. 
بە باشترین شێوەی خزمەتی بکە. 
لە جیاتی ئەو خێر و چاکە بکە، چونکە خێر و پاداشتیش بەر هەردوکتان دەکەوێت. 
ئەو کارانە ئەنجام بدە کە دڵخۆشی دەکات . 
ئەو خواردنانەی بۆ بھێنە کە ئارەزووی پێدەکات. 
لەکاری ماڵەوەی یارمەتی بدە. 
ماوە نا ماوە دیارییەکی بۆ بکڕە و دلخۆشی بکە.


«  مافی بڵاوکردنه‌وه‌ی ئه‌م بابه‌ته‌ بۆ کوردزۆن پارێزراوه »  
2780بینین‌‌‌
11 مانگ پێشتر - Jan 18 2021 2:07PM