چی دەزانی دەربارەی گەورەترین شار لە جیھان
ماموستا یاسین احمد - وه‌رگێری ماڵپه‌ر
چەند زانیارییەک دەربارەی گەورەترین شار لە جیھان
شاری تۆکیۆی پایتەختی ژاپۆن بە گەورەترین شار دادەندرێت لەرووی ژمارەی دانیشتوانەوە .
بەپێی دوایین ئامار لە ئێستادا ژمارەی دانیشتوانی تۆکیۆ ٣٧٨٣٢٨٩٢ کەسە .
تۆکیۆ دەکەوێتە رۆژھەڵاتی ژاپۆن و پایتەختی فەرمی ئەو وڵاتەیە .
لەلای باکوور رووباری ئایدۆ سنوورەکەی پێک دەھێنێت و لەلای باشوور رووباری تاما .
شاری تۆکیۆ لە ٢٣ گەڕەکی گەورە پێک دێت و رووبەرەکەی نزیکەی ١٣٥٠٠کم٢ .
ئاووھەواکەی مامناوەندە و لە مانگی تەمووز دەکاتە ٢٤ پلەی سەدی . ھەروەھا لە مانگی کانوونی دووەم دەگاتە ٤ پلەی سەدی.
بەپێی سەرچاوەی مێژوویەکان ، تۆکیۆ لە چاخەکانی پێش مێژوو مرۆڤی تێدا ژیاوە ، بەڵام سەرچاوە فەرمییەکان دەڵێن تا سەدەی ١٢ ی زاینی تۆکیۆ تەنھا گوندێک بووە .
لەسەرەتا تۆکیۆ ناوی ئیدۆ بووە ، دواتر لە ساڵی ١٨٦٨ ناوەکە گۆڕا بۆ تۆکیۆ .
سەرچاوە | الموضوع
|