بنێشت یەکێکە لەو بەرووبوومانەی ھەندێک مرۆڤ ئارەزوو دەکەن بەکاری بھێنن و ئەگەر جۆری بنێشتەکە باش و شەکری تێدا نەبوو ئەوا سوودێکی زۆر بە مرۆڤ دەگەینێت لەوانەش :
١.کاری مێشک چاڵاکتر دەکات و سەرنجی مرۆڤ بەھێزتر دەکات .
٢. مرۆڤ بە ئاگاتر دەبێت لەکاتی بنێشت جوین و ئەو جولەیەی دەیکات دەبێتە ھۆی ئەوەی خوێن زیاتر بۆ مێشک و ناودەم بچێت.
٣. رێگری لە ماندووبوون و رارایی دەگرێت . جێگرەوەیەکی باشیشە بۆ ھەندێک خووی خراپ وەک نینۆک خواردن .
٤. ددان دەپارێزێت ، ئەگەر بۆ ماوەی بیست خولەک دوای نان خواردن بنێشتت جوویی ئەوا سوودێکی زۆری بۆ دەم و ددانت دەبێت و لیکاوی ناو دەم زیاتر دەبێت .
٥. سووتانەوەی گەدە کەم دەکاتەوە ورێگری لە ترش بوونی گەدە دەگرێت .
٦. بۆنی ھەناسەدانی مرۆڤ خۆشتر دەکات .
٧. یارمەتی جگەرە کێشەکان دەدات واز لە جگەرە کێشان بھێنن .
٨. وشکی ناو دەم کەم دەکاتەوە .
٩. ئازاری ناو گوێ کەم دەکاتەوە بەتایبەتی لەکاتی فڕینی فڕۆکە .
١٠. یارمەتیدەرە بۆ کەم کردنەوە کێش .
سەرچاوە | پێگەی توب وێب