زۆرینەی خەڵک ئارەزوو دەکەن لەشێکی رێک وپێکیان ھەبێت و ماسولکەکانیان بەھێزبێت ، چونکە بۆ لایەنی تەندروستیش زۆرباشە ، لەم بابەتە تیشک دەخەینە سەر چۆنیەتی بەھێزکردنی ماسولکەکان.
١.ئەنجامدانی راھێنانی وەرزشی :
ئەنجامدانی راھێنانی وەرزشی بنەمایەکی سەرەکییە بۆ بەھێزکردنی ماسولکەکان و پێویستە رۆژانە ئەنجام بدرێت و ھەندێک جار دەبێت راھێنانەکان زۆر بەھێز بن بەتایبەتی بۆ ئەوانەی سەرووی ١٨ ساڵن ، لەو راھێنانەش بەرزکردنەوەی قورسایی و بەرگری و پاڵنانی جەستە .
بەڵام ئەوانە تەمەنیان ھەڵکشاوە و دەیانەوێت ماسولکەکانیان بەھێز بکەن ئەوا پێویستە راھێنانەکانیان سووکتر بێت بەبەراورد بە گەنجەکان و دەبێت خۆیان بەدوور بگرن لە پێکان چونکە چاکبوونەوەیان درەنگتر دەبێت.
٢. پەیڕەوکردنی سیستەمێکی خۆراکی دەوڵەمەند بە پرۆتین :
خواردنێکی رێژەیەکی باش لە پرۆتین لە رۆژێکدا یارمەتیدەرە بۆ بوونیاتنانی ماسولکەی بەھێز و چەندین خواردنی زۆر باش ھەیە کە یارمەتیدەرن بۆ بەدەستھێنانی پرۆتین بۆ لەش لەوانەش .
سەرچاوەی ئاژەڵی : وەک گۆشتی سوور ، مریشک ، ماسی ، ھێلکە ، شیر و بەرھەمەکانی .
سەرچاوەی رووەکی : نیسک ، فاسۆلیا و چەرەزات ... ھتد .
٣. خواردنەوەی رێژەیەکی باش لە ئاو :
خواردنەوەی ئاو زۆر پێویستە بۆ تەڕیەتی لەش و تەندروستی لەشی مرۆڤ ، ھەرچەندە بەشێکی زۆری مرۆڤەکان رۆژانە بە پێی پێویستی خۆیان ئاو ناخۆنەوە ،ئەمەش کارێکی ھەڵەیە .
پسپۆڕانی بواری پزیشکی ئامۆژگاری ئەو کەسانە دەکەن کە دەیانەوێت ماسولکەکانیان بەھێز بێت ، پێویستە لەسەریان رۆژانە بڕێکی زۆر باش ئاو بخۆنەوە ئەمەش پێش ئەنجامدانی راھێنانی وەرزشی و دوای ئەنجامدانی راھێنانی وەرزشی .
پێویستە بەلایەنی کەم تا ١٠ کوپ ئاو بخۆیتەوە ، چونکە لە کاتی راھێنانەکان لەش ئاوێکی زۆر لەدەست دەدات و پێویستە قەرەبوو بکرێتەوە .
٤. خەوێکی باش بکە :
گەر بۆ ماوەیەکی باش پشوو نەدەیت ئەوا کاریگەری نەرێنی دەبێت لەسەر ھۆرمۆنی گەشەکردن ، چونکە ھۆڕمۆنەکان بەرپرسن لە گەشەکردن و بەھێزبوونی ماسولکەکان .
ھەروەھا ئەو مرۆڤانەی بەشێوەیەکی باش ناخەون ئەوا ئەگەر تووشبوونیان بەم نەخۆشییانە زیاترە : بەرزبوونەوەی پاڵەپەستۆی خوێن ، خەمۆکی ، قەڵەوی و ھتد .
لەبەر ئەمە پێویستە مرۆڤ بە لایەنی کەم رۆژانە ٧ – ٨ کاتژمێر بخەوێت .
سەرچاوە | الموضوع