»  ئاژەڵان

چەند زانیارییەک دەربارەی رێوی

ماموستا یاسین احمد - وه‌رگێری ماڵپه‌ر

رێوی یەکێکە لە ئاژەڵە ناسراوەکان لە کۆمەڵگەی خۆمان چونکە لە ھەرێمی کوردستان ھەیە , رێوی بەوە بەناوبانگە کە ئاژەڵێکە فرت و فێڵی زۆرە ، لەم بابەتەش ھەندێک زانیاریتان لەسەر رێوی بۆ دەخەینە روو . 
رێوی بە شێوەیەکی گشتی قەبارەیان بچووکە و کێشیان لەنێوان ٦٨٠ گم تا ١١ کگم دەبێت . 
درێژی جەستەیان لە نێوان ٣٠ – ٦٥ سم دەبێت ، بەڵام جۆرێکیان ھەیە درێژییەکەی دەگاتە ٨٦ سم . 
رێوی جۆری (ڤنک) بە بچووکترین جۆری رێوی دادەندرێت , قەبارەشی ھەندەی پشیلەیەکی بچووک دەبێت و کێشی لە نێوان ١ – ٥ کگم دەبێت . 
رێوی شوێنی مانەوەی خۆی (ھێلانە یا ماڵەکەی) لە نێو زەوی ھەڵدەکوڵێت، و ئەم شوێنانە چەند تونێلێک دەبن و چەند ژوورێکی تێدایە و شوێنیکی فێنکی ھەیە و خواردنی تێدا خەزن دەکات و چەند دەرچەیەکی تێدا دروست دەکات بۆ ئەوەی خۆی دەرباز بکات لەکاتی ھێرشەکان . 
رێوی زیاتر شەوانە راو دەکات و بە رۆژ خۆی حەشار دەدات .بەڵام ئەگەر ھەستی بە ئارامی کرد ئەوا بەرۆژیش راو دەکات. 
ھەستی بینین لە لای رێوی زۆر بەھێزە و چاوەکانی ھاوشێوەی چاوی پشیلەیە و ھێلێک بە ناو رەشێنەی چاوی دا ھاتووە. 
خێرایی رێوی لە کاتژمێرێکدا ٧٢ کم . 
رێوی ھەم گۆشت خۆرە و ھەم روەکیش دەخوات . 
زۆرینەی رێوییەکان لەنێوان ساڵێک تا سێ ساڵ دەژین ئەگەر رێوی کێوی بێت ، بەڵام ئەوانەی لە باخچەی ئاژەڵان بەخێو دەکرێت تەمەنیان تا ١٠ ساڵ دەڕوات . 
لە رووسیا رێوی زیوی بە ماڵی کراوە و ھاوشێوەی پشیلە و سەگ لە ماڵان بەخێو دەکرێت . 
رێویەکان لە رێگەی دەنگەوە پەیوەندی بە یەکتری دەکەن . 
رێوی یەکێکە لەو ئاژەڵانەی یارمەتیدەرە بۆ پارێزگاری کردن لە ھاوسەنگی ژینگەیی ، چونکە ھەندێک ئاژەڵی زیانبەخش دەخوات . 
لەگەڵ ئەمەش بەشێک لە مرۆڤەکان رێوی راو دەکەن بۆ خۆشی و ھەندێکیان تەنھا بۆ فەروەکەی راوی دەکەن .
سەرچاوە | الموضوع 



«  مافی بڵاوکردنه‌وه‌ی ئه‌م بابه‌ته‌ بۆ کوردزۆن پارێزراوه »  
3438بینین‌‌‌
2 ساڵ پێشتر - Aug 6 2019 10:03PM