تۆبەی راستگۆیانە چیە و مەرجەکانی چین 

خودای گەورە و میھرەبان مرۆڤی دروست کردوە و عەقڵی پێداوە و رێگەی راستی نیشانداوە و لەکاتی ھەڵەکردنیش رێگەی پەشیمان بوونەوەی نیشانداوە، بۆ ئەوەی مرۆڤ بەردەوام نەبێت لەسەر ھەڵەکانی و بزانێت خودای گەورە بە بەزەییە و لەکاتی پەشیمان بوونەوە لە بەندەکانی خۆش دەبێت، ھەروەھا خودای گەورە بە پەشیمانبوونەوەی بەندەکانی دڵخۆش دەبێت و پێغەمبەرمان (د.خ) ھانمان دەدات بۆ ئەوەی بەردەوام تەوبە بکەین وبگەڕێینەوە لای خودای گەورە . 

مەرجەکانی تەوبەی راستگۆیانە : 

١.پەشیمان بوونەوە : 

یەکێک لە گرنگترین مەرجەکانی پەشیمابوونەوەی راستەقینە بریتیە لەوەی مرۆڤ پەشیمان بێتەوە لەو کارانەی ئەنجامی داوە و ھەڵە بووە . 

٢. دوور کەوتنەوە لە گوناح : 

واتا جارێکی دیکە نەگەڕێتەوە سەر گوناح کردن و ناکرێت تەوبە بکەیت و دواتر بەئاسانی بگەڕێیتەوە سەر گوناح کردن . 

٣. پێداگیری لەسەر نەگەڕانەوە بۆ تاوانکردن : 

یەکێک لە نیشانە دروستەکانی تەوبەکردن ئەوەی مرۆڤەکە پێداگیر بێت لەسەر ئەوەی دوور بکەوێتەوە لە گوناح و تاوان کردن. 

٤. گەڕاندنەوەی ھەق بۆ خاوەنەکانی : 

گەڕاندنەوەی مافی خەڵکی خەسڵەتێکی گرنگی ئەو مرۆڤانەیە کە تەوبە دەکەن، چونکە دەبێت مرۆڤی موسڵمان مافی خەڵکی بگەڕێنیتەوە . 

سەرچاوە | الموضوع