• نەرم ونیانی باوک لە چیاکان بەرزترە و نەرم ونیانی دایک لە دەریاکان قوڵترە .
• دەستی دایک ھەر شیرینە گەر لێشت بدات .
• ھیچ شوێنێک بەقەد ژووری دایک و باوک ئارام نییە بۆ منداڵەکان بۆ خەوتن .
• لەھەموو جیھان ھیچ سەرینێک نییە وەکە باوەشی دایک نەرم بێت .
• دڵی دایک قوتابخانەی منداڵە .
• کاتێک دەچەمێمەوە بۆ ئەوەی دەستەکانت ماچ بکەم و بەشەرمەوە سەیرت دەکەم، لەم کاتە ھەست دەکەم مەزنترین پیاوم .
• ئەو دایکی منە، چ دەوڵەمەندبێت یان ھەژار .
• خۆشترین وشە منداڵ گوێی لێ بێت ستایشکردنیەتی لە لایەن دایک و باوکی .
• لەناو دڵی ھەموو دایکێک شاژنێک ھەیە، تۆ داوا بکە ئەویش بۆت جێ بەجێ دەکات .
• ئەوەی توانای ئەوەی نیە ئەرکی باوکایەتی بە جێ بگەینێت مافی ئەوەی نییە ھاوسەرگیری بکات .
• لە رۆژە خۆش و ناخۆشەکان کەسێکت نییە جگە لە دایک و باوکت .
• ئەگەر دایک مرد، باوک بینایی لەدەست دەدات .
• باوک تاکە کەسە ئیرەیی بەسەرکەوتنی منداڵەکەی نابات .
• باوک حەز دەکات منداڵەکانی لەخۆی پیاوتر بن (پەندێکی کوردی)
• ھیچ دڵوپێکی ئاوم پاکتر نەبینی جگە لە فرمێسکەکانی دایکم نەبێت .
• ئەوەی ئێستا پێی گەیشتیت لە چاکەی و باشی دایک و باوکت بووە .
• باوک لە ھەڵەکانی کوڕەکەی دەبورێت، بەلام کوڕ چاوپۆشی لەھەڵەی باوکی ناکات .
• سەرزەنشتی باوک بۆ منداڵەکانی وەک دەرمانێکی شیرین وایە .
• لەوانەیە ھەموو شتێک لە بیر بکەم، بەلام ئامۆژگاریەکانی دایکم نا .
• کاتێک دایکم مرد، جیھان تاریکتر و خەمبارتر بوو .
• دایک و باوک تاکە کەسن کە پێمان دەبەخشن بێ ئەوەی چاوەڕێی پاداشت بکەن .
• دڵی باوک دیاریەکی گەورەی خودایە بۆ ئێمە .
• دایک وەک دارێکی ھەمیشە سەوز وایە .
• دایکە .. تۆ روحی منی ... تۆ بەنرختری لە چاوەکانم .
• کاتێک دەمانەوێت باسی دایکمان بکەین .. وشەکان کۆتاییان پێدێت .
• دایک لەناخی دڵەوە خۆشمانی دەوێت و باوکیش بەھەموو ھێزیییەوە خۆشمانی دەوێت .
• باوک چۆن بێت، کوڕیش ئاوا دەبێت .
• لە ژیانی کچ سێ پیاو ھەیە، باوک ئەو کەسەی کە رێزی دەگرێت، برا ئەو پیاوەیە کە خوشکەکەی لێی دەترسێت و خۆشی دەوێت، ھەروەھا ھاوسەر ئەو پیاوەی خۆشی دەوێت و ئەویش خۆشی دەوێت.
• جیاوازی باوکم لەگەڵ ھەموو پیاوانی جیھان، وەک جیاوازی ئاوی زەمزەمە لەگەڵ ھەموو ئاوەکانی دیکە .
• ئەگەر ھەموو جیھان لەلایەک بێت و دایکیشم لە لایەک بێت، من لای دایکم ھەڵدەبژێرم .
• دەتوانی ھەموو شتێک بە پارە بکڕیت تەنھا دایک و باوک نەبێت .
• گەردوون بەھەموو فراوانی خۆی، ھێندەی دڵی دایکم فراوان نییە .
• پێیان گوتم خۆشترین کات لای تۆ کامەیە، منیش گوتم بۆنی باوکم کاتێک لە باوەشی دەگرم .
• لە پشت ھەموو منداڵێکی مەزن، دایک و باوکێکی مەزن ھەیە .