بەشێوەیەکی گشتی خانمان ئارەزوو دەکەن ، ھاوژینێکی نموونەیی بن بۆ ھاوسەرەکانیان و ھەوڵێکی تەواویش دەدەن بۆ ئەوەی خێزانێکی بەختەوەر پێک بھێنن و پارێزگاری لێبکەن ، لەگەڵ ئەوەی ئەم کارە وا ئاسان نییە ، بەڵام ئەستەمیش نییە ، دەکرێت بە پابەندبوون بەم رێنماییانە ھاوژینێکی نموونەیی بێت و کەمترین کێشەت ھەبێت .
١.واز لەو بیرکردنەوە بێنە کە ژیانی ھاوسەرگیری بێ کێشەیە :
پێویستە خانمان باش بزانن کە ھەموو خێزانێک بە ئەندازەی خۆی کێشەی ھەیە ، ئەوەی لە دراماکان دەیبینی و یا لە چیرۆکەکان دەیخوێنیەوە ، زۆربەی خەیاڵیە و کەمی واقیعی ژیان نیشان دەدات ، بەڵام لەگەڵ ئەوەی کێشە ھەیە دەکرێـت بە گوێگرتن لە یەکتری و خۆشەویستی و رێزگرتن زاڵ بن بەسەر گرفتەکە.
٢. واز لەوە بێنە بە شێوەیەکی نموونەیی خۆت نیشان بدەیت :
پێویستە لەسەر خانمان واز لەوە بێنن خۆیان وەک کەسێکی نموونەیی نیشان بدەن و ھیچ گرفتێکیان نییە ، وەک ئەوەی بەردەوام کێشی خۆی کەم بکاتەوە بۆ ئەوەی بە جوانترین شێوە بەدەرکەوێت ، یاخود بەردەوام ماکیاژ بکات بۆ ئەوەی بە جوانترین شێوە بەدەرکەوێت ، ئەمەش وا دەکات بەردەوام لە دودڵی بژیت ، زۆر ئاساییە مرۆڤ ماندوو وبێت و ھەندێک جاریش زۆر جوان و رێکپۆش نەبێت ، چونکە ئەمە ژیانی راستەقینەیە.
٣. ھەست کردن بە بەختەوەری :
پەندێک ھەیە دەڵێت (ئەگەر خانمی ماڵ بەختەوەر بوو ، واتا خێزان بەختەوەرە) چونکە گەر خانمی ماڵ بەختەوەر بوو ئەوا ھەمووان لەگەڵ خۆی بەختەوەر دەکات و بەختەوەری باڵی بەسەر ماڵەوە دەکێشێت، بە پێچەوانەوەش ئەگەر بەردەوام دودڵ بوو و ترسی ھەبوو ئەوا ژیانی ھەمو خێزانەکە قورستر دەبێت ، لەبەر ئەمە بۆ ئەوەی خێزانەکەت بەختەوەر بێت ، پێویستە تۆ بەختەوەر بی.
٤. گرنگیدان بە وردەکارییەکان :
خانمی نموونەیی گرنگی بەھەموو وردەکارییەکانی خێزانەکەی دەدات ، جا بچووک بێت یا گەورە بەم شێوەیەش ئاگاداری ھەموو شتەکان دەبێت .
٥. بەخشینی خۆشەویستی :
خانمی نموونەیی خۆشەویستی بە تەواوی ئەندامانی خانەوادەکەی دەبەخشێت ، ئەم خۆشەویستیەش بە قسە و بەکردار دەبێت ، چونکە ھەموو ئەندامانی خێزان پێویستیان بەم خۆشەویستیە ھەیە .
٦. پشوودان :
بەوپێیەی خانمی ماڵەوە پاڵەپەستۆیەکی زۆری لەسەرە ، چونکە ھەندێک جار لە ماڵەوە و دەرەوە کاری ھەیە ئەمەش وا دەکات ماندووتر بێت و ئەو کاتە نەتوانێت ئەرکەکانی بە باشترین شێوە ئەنجامبدات ، لەبەر ئەمە پێویستی بە پشوو دەبێت و پێویستە ھەندێک کات بۆ خۆی تەرخان بکات و گرنگی بە خۆی بدات .
٧. ئەرێنی بە و بەشداری بە ھەمووان بکە :
یەکێک لەو خەسڵەتانەی وا دەکات ئافرەت نموونەیی بێت ، ئەوەیە بە شێوەیەکی ئەرێنی بیر بکاتەوە و ھەمووان بەشداری پێبکات لە خۆشەویستی و بەختەوەری .
٨. سوپاسگوزار بە :
پێویستە ماوە نا ماوە وەک خانمی ماڵەوە سوپاسی پیاوەکەت بکەیت ، بەھۆی ئەو قوربانیەی ھاوسەرەکەت لە دەرەوە پێشکەشی دەکات بۆ ئەوەی ژیانێکی بەختەوەرانەتان بۆ دابین بکات .
٩. کات لەگەڵ یەکتری بەسەر ببەن :
باشترین بەختەوەری خانمی ماڵەوە و ھاوسەرەکەی پێشکەشی خێزانەکەیان بکەن ، کات لەگەڵ یەکتری بەسەر ببەن، و قسە و گفتوگۆیان ھەبێت لە بابەتەکان و ھەندێک یاری لەگەڵ یەکتری بکەن .
١٠. ھەستەکانی خۆت بە ھاوسەرەکەت بڵێ :
خانمی نموونەیی بەشێوەیەک رەفتار دەکات کە متمانەی تەواو بە پیاوەکەی دەدات و ھەموو ھەستەکانی خۆی لەلا دەردەبڕێت ، ھەروەھا پێداویستیەکانی خۆی بە ھاوسەرەکەی دەڵێت و متمانەیەکی بە تین لە نێوان ھەردوو لا دروست دەبێت .
سەرچاوە | الموضوع