چۆن برنجێکی سادە ئامادە دەکەیت   |  25/06/2022

برنج یەکێکە لە خواردنە سەرەکییەکانی جیھان و لە کۆمەڵگەی خۆشمان ھەفتەی چەند جارێک خێزانەکان برنج دەخۆن، لەگەڵ ئەوەش تا ئێستا ھەندێک کەس ھەیە نازانێت چۆن برنج ئامادە بکات بۆ خواردن. 

کارەکە ئاسان و تەنھا ئەم رێنمایانە جێ بەجێ بکە: 

پێکھاتەکان : 

• سێ کوپ برنجی 

• شەش کوپ ئاوی کوڵاو 

• یەک کەوچکی بچووکی خوێ 

• نیو کوپ زەیت . 

چۆنیەتی ئامادەکردنی : 

• برنجەکە بە جوانی دەشۆینەوە و ئینجا لە ناو ئاوی دادەنێین بۆ ماوەی نیوکاتژمێر و ئینجا ئاوەکەی دەڕێژین. 

• مەنجەڵەک دەخەینە سەر ئاگر و زەیتی تێدەکەین و کەمێک لێی دەگەڕێین تا گەرم دەبێت. 

• ئینجا نیوەی برنجەکەی تێدەکەین و کەمێک دەیجولێنین تا رەنگی کەمێک زەرد دەبێت ئینجا برنجەکەی دیکەی تێدەکەین.

• ئینجا ئاوە گەرمەکە تێدەکەین و خوێی تێدەکەین تا ئاوەکە برنجەکە دادەپۆشێت. 

• ئینجا لەسەر ئاگرێکی مام ناوەندی جێ دەھێڵین تا دەکوڵێت، ئینجا ئاگرەکە کز دەکەین تا ئاوەکەی بەتەواوەتی ھەڵدەمژێت و بەتەواوەتی پێدەگات.