کەمبوونەوەی شەکر لە خوێن
شەکری کلۆکۆز سەرچاوەیەکی سەرەکییە بۆ وزەی جەستە و عەقڵ، ئەمەش لەرێگەی ئەو خۆراکانە دەست دەکەوێت کە مرۆڤ رۆژانە دەیانخوات ، پێویستە ئەوە بزانین کە چەندین ھۆرمۆن ھەیە کە یارمەتی مرۆڤ دەدات لە رێکخستنی رێژەی شەکر لەخوێن لەوانەش ئەنسۆلین ، کە یارمەتیدەرە بۆ رێکخستنی ئاستی شەکر لەخوێن .
ئاستی پێوانە شەکر لەخوێن بریتیە لە (٧٠ - ١١٠) مللیگرام لە دیسیلتر ، کەمبوونەوەشی دەبێتە ھۆی دروست بوونی کێشە بۆ مرۆڤ و کاریگەری لەسەر تەندروستی مرۆڤ دروست دەکات .
ھەروەھا کەمبوونەوەی ئاستی کلۆکۆز لە خوێن دەبێتە ھۆی دروست بوونی کێشە لەمێشک .
نیشانەکانی کەمبوونەوەی شەکر لە خوێن :
کەمبوونەوەی شەکر لە خوێن چەندین نیشانەی جیاواز بە دوای خۆی دەھێنێت و ئەم نیشانانەش لە کەسێکەوە بۆ کەسێکی دیکە جیاوازە ، ھەندێکیان سووکە بەڵام لەلای ھەندێکی دیکە بە توندی دەیگرێت، ھەندێک جاریش نیشانەکان بەدەر ناکەون ، بەڵام گرنگترین نیشانەکانی کەمی شەکر لە خوێن لەم شتانە خۆی دەبینێتەوە .
• زۆر توڕەبوون و ھەستیاری .
• زۆر ئارەقە کردن .
• سەر ئێشەی بەردەوام .
• لێڵ بوونی بینین .
• ھەست کردن بە خەواڵویی ماندووبوون .
• ھەست کردن بەسەر سوڕان
• تێکچوونی باری بیرکردنەوە .
• تێکچوونی رەنگی پێست .
• نەمانی ھاوسەنگی جولەی لەش .
• توڕەییەکی زۆر و بە بێ ھۆکار .
• گۆڕانی رەفتاری مرۆڤەکە .
• قورسی لەتەرکیز کردن .
• ھەست کردن بە لاوازی .
• مووچرک بە لەلەشی دادێت .
• نەمانی ئارامی .
•ھەست کردنی بە رشانەوە و ھێڵنج دان
• سڕبوونی لێوەکان و زمان و روومەتەکان .
• ھاوارکردن لەکاتی خەو و بینینی خەونی ناخۆش .
چارەسەری کەمی شەکر لە خوێن :
بۆ ئەوەی بە دووربیت لە حاڵەتی کەمبوونەوەی شەکر لە خوێن ، پێویستە رەچاوی ھەندێک رێنمایی بکەیت لەوانەش :
• پەیڕەوکردنی سیستەمێکی خۆراکی تەندروست و ھاوسەنگ ، بۆ ئەوەی لەش پێداویستی خۆی لە شەکر بەدەست بھێنێت ، لەوانەش شەکری سروشتی کە لە نێو میوە ھەیە ، دەکرێت میوەکە بەئاسایی بیخۆیت یا بەشێوەی شەربەت لەوانەش ئەناناس و سێو و توو و .....ھتد .
• ئەنجامدانی راھێنانی وەرزشی بە شێوەیەکی رۆژانە و بەردەوام ن بەلایەنی کەم پێویستە رۆژانە نیو کاتژمێر وەرزش بکەن .
• بەیانیان ھەنگوینی سروشتی بخۆن , لەسەر خورێنی .
• رۆژانە ھەندێک مێوژ بخۆن ، بەڵام مەرج نییە زۆر بێت .
• رۆژانە نیو کوپ شیر بخۆنەوە .
• ئەو خۆراکانە بخۆن کە دەوڵەمەندە بە کاربۆھیدرات بەتایبەتی پێش ئەنجامدانی چالاکی وەرزشی .
سەرچاوە | الموضوع