جامی ئۆتۆمۆبێلەکەت لە بۆیە پاک بکەوە   |  01/03/2020

ھەندێک شوفێران زۆر ھەست بە بێزار دەکەن کاتێک جامەکانی ئۆتۆمۆبێلەکانیان بە بۆیە دەبێت و رادەی بینین لێڵ دەکات و کاریگەری لەسەر ئاستی بینین دەبێت . 

بۆ  چارەسەرکردنی ئەم حاڵەتە پێویستە لەسەرت پەنا ببەیتە بەر مادەی ئەسیتۆن بۆ خاوێنکردنەوەی جامەکەت ، چونکە ئەسیتۆن مادەیەکی کیمیاوییە و پێویستە دەمامک ببەستیت لە کاتی بەکارھێنانی . 

ھەروەھا پێویستە ئۆتۆمبێلکە لە شوێنێکی کراوە بێت بۆ ئەوەی بتوانی بە ئاسانی ھەناسە بدەیت. 

سەرەتا پارچە قوماشێک بە ئەسیتۆن دەکەیت و بەنەرمی بەو شوێنانەی دادەینی کە بۆیە لەسەر کۆبووتەوە ، بەڵام پێویستە لەسەرت وریا بی و بەر بۆیەی ئۆتۆمۆبێلەکەت نەکەوێت چونکە زیانی پێدەگەینێت . 

دوای ئەوەی بە ئەسیتۆنەکە سبوغەکەت لابرد ، ئینجا ئۆتۆمۆبێلەکەت بە باشی بشۆ بۆ ئەوەی خاوێن ببێتەوە . 

ھەندێک جار گەر زانیت سبوغەکە ئەستوورە ، پەنا ببە بەر شفرەیەک بۆ لابردنی سبوغەکە بەڵام بە نەرمی و زۆر پاڵەپەستۆی لەسەر مەکە بۆ ئەوەی زیان بە جامەکەت نەگەینێت . 

سەرچاوە | الموضوع