قوتابییەک بە مامۆستاکەی گووت : مامۆستا وانەکەت زۆر خۆشەو چێژی لێ دەبینین و چاوەڕێ دەکەین تا وانەی تۆ دێت بۆ ئەوەی بە ئاسانی تێبگەین .
بەڵام کاتێک دەگەڕێینەوە ماڵەوە و بەتەنھا کتێب دەخوێنینەوە ، ئەو چێژەی لێ وەرناگرین و لێی تێناگەین ..!!
مامۆستاکە گووتی : ھەنگوین لە چی دروست دەکرێت ؟
قوتابیەکە گووتی : لەگوڵ دروست دەکرێت .
مامۆستاکە گووتی : ئەگەر ھەندێک گوڵ بخۆی تامی چۆن دەبێت ؟
قوتابییەکە گووتی : بەدڵنیاییەوە تاڵ دەبێت .
مامۆستاکە گووتی : کوڕی خۆم مامۆستا وەک ھەنگ وایە ھەزارەھا گوڵ دەگەڕێت و پوختەی بەرھەمی ئەم ھەموو گوڵە دەخاتە بەردەستی ئێوە . !!
مامۆستا لە ھەموو گوڵەکان ھەنگوینێکی باش دروست دەکات و ئینجا پێشکەشی قوتابییەکانی دەکات .
بەمەش کۆکراوەی ھەموو زانیارییەکان بە ئاسانی دەگاتە دەست ئێوە .
سوپاس بۆ ھەموو ئەو مامۆستایانەی ھۆکار بوون بۆ گەیشتنمان بە ئاستێکی بەرزتر لە ژیان، بوونی ئەوان لە ژیانمان ھۆکاربوو بۆ ئەوەی سەختییەکانی ژیان ئاسانتر بێت .