»  تەندروستی

چۆن وەرزشی بەرزکردنەوەی قورسایی بکەین؟

ماموستا یاسین احمد - وه‌رگێری ماڵپه‌ر
بەرزرکردنەوەی قورسایی سوودێکی زۆری بۆ مرۆڤ ھەیە و دەبێتە ھۆی کەمبوونەوەی پاڵەپەستۆی بەرز لە ناو لەشی مرۆڤ ، چونکە وا دەکات خوێن بە شێوەیەکی باشتر جوولەی خۆی بکات و ھەروەھا بەرزکردنەوەی قورسایی دەبێتە ھۆی توانەوەی شەکر لەناو لەش و دەبێتە ھۆی کەمبوونەوەی چەوری و پتەوبوونی ماسولکەکان و چەندین سوودی دیکەشی ھەیە، لەگەڵ ئەوەش ھەندێک جار گەر بە شێوەیەکی رێک وپێک ئەنجام نەدرێت ئەوا زیانی دەبێت لەوانەش : 
ھەندێک کەس قورسایی زیاتر لە توانای خۆیان بەرز دەکەنەوە ئەمەش تووشی پێکانیان دەکات لەبەر ئەمە واباشترە بە کێشی کەم کەم دەست پێبکەن بۆ ئەوەی ماسولکەکان بە قۆناغ گەشە بکەن .
کاتێک یاریزانەکە دەگاتە ئاستێکی بەرزتر پێویستی بە سەرپەرشتیاری تایبەت دەبێت ، چونکە دەبێت کێشی قورس بەرزبکاتەوە و ھەندێک جار گەر بەتەنیا بێت لەوانەیە کێشەکە بەسەری دا بەربێتەوە  و تووشی پێکانی قورسی بکات. 
•ئەنجامدانی راھێنانی بەرزکردنەوەی قورسایی لە تەمەنی ھەرزەکاری و پێش گەشەکردنی سروشتی لەش ، دەبێتە ھۆی تێکچوونی گەشەی سروشتی لەبەر ئەمە پێویستە تا تەمەنی ١٧ ساڵی ھەرزەکاران لەم جۆرە وەرزشە بەدووربن. 
ھەندێک جار بەرزکردنەوەی قورسایی دەبێتە ھۆی گرژبوونی ماسولکەکان و بەربوونەوەی قورساییەکە ئەمەش زیانێکی زۆری بۆ مرۆڤ ھەیە . 
  بەشێک لە یاریزانەکان لەناکاو کێشێکی زۆر بەرز دەکەنەوە ئەمەش دەبێتە ھۆی پچڕانی ماسولکەکان . 
سەرچاوە | الموضوع 



«  ته‌واوی بابه‌ته‌ پزیشكیه‌كان ئامۆژگاری گشتین، بۆ وه‌رگرتنی چاره‌سه‌ری گونجاو سه‌ردانی پزیشك بكه‌! »  
«  مافی بڵاوکردنه‌وه‌ی ئه‌م بابه‌ته‌ بۆ کوردزۆن پارێزراوه »  
1770بینین‌‌‌
ساڵ پێشتر - Aug 5 2020 9:45PM