ئەو ئەرکانەی دەکەوێتە سەر منداڵ لە قۆناغەکانی تەمەنی گۆڕانکاری بەسەر دادێت و ھەروەھا لە کۆمەڵگەیەک بۆ کۆمەڵگەیەکی دیکە جیاوازە ، جاری وا ھەیە لە یەک شار لە نێوان دانیشتوانی شار و گوندەکان جیاوازی ھەیە، بەڵام بە شێوەیەکی گشتی گرنگترین ئەرکەکانی منداڵ بریتین لە : 

١.ئەرکەکانی منداڵ پێش چوونە قوتابخانە : 

زۆرینەی منداڵان قۆناغی پێش چوونە قوتابخانە بەشێوەیەک چالاکانە دەژین و جۆرەھا چالاکی ئەنجام دەدەن ، ھەندێک لە باوکان وای دەبینن کە پێویست ناکات لەم قۆناغە ھیچ ئەرکێک بە منداڵ بسپێردرێت ن بەڵام بەشێک پێیانوایە باشترە ھەندێک کاری ماڵەوە ئەنجام بدات وەک رێکخستنی شوێنی نووستنی و ھەروەھا یارمەتیدانی دایک و باوکی لەکاری بچووکی ماڵەوە ، چونکە ئەم کارانە وا دەکات ھەست بە بەرپرسیاریەتی بکات و ھەندێک شارەزایی بەدەست دەھێنێت. 

٢. ئەرکەکانی منداڵ لە قۆناغی قوتابخانە : 

لەم قۆناغە ئەرکەکانی منداڵ زیاتر دەبێت و دەبێت زیاتر ھەست بە بەرپرسیاریەتی بکات ، لەم قۆناغە پێویستە لەسەری بە پلەی یەکەم گرنگی بە ئەرکەکانی قوتابخانە بدات و بە باشی ئەنجامیان بدات ، ئینجا ھەندێک یارمەتی دایک و باوکی بدات ئەمەش بە پێی تەمەنی . 

سەرچاوە | الموضوع