»  کورتەچیرۆک

تۆ بەھای خۆت دیاری دەکەیت

ماموستا یاسین احمد - وه‌رگێری ماڵپه‌ر

پیاوێک پێش ئەوەی بمرێت ئامۆژگاری کوڕەکەی کرد و داوای کارێکی لێکرد .
پێی گووت : کوڕەکەم ئەم کاتژمێری موڵکی باپیری باپیرتە و تەمەنی ٢٠٠ ساڵ دەبێت . 
بەڵام پێش ئەوەی پێتی بدەم دەمەوێت بیبەیتە لای ئەو کاتژمێرەی سەر شەقام و پێی بڵێ دەمەوێت بیفرۆشم و بزانە نرخەکەی چەندە. 
کوڕەکە کاتژمێرەکەی برد و گەڕایەوە و گووتی : باوکە پێنج دۆلاری پێدا . 
باوکەکە گووتی : کوڕم ئەم جارە بیبە بۆ لای ئەو ئەنتیکە خانی لای شەقامەکەی دیکە . 
کوڕەکە کاتژمێرەکەی برد و دواتر گەڕایەوە و گووتی : باوکە پێنج ھەزار دۆلاری پێدا . 
باوکەکە گووتی : کاتژمێرەکە ببە بۆ مۆزەخانە و بڵێ دەمەوێت ئەم کاتژمێرە بفرۆشم . 
کوڕەکە چووە مۆزەخانە و گووتی : دەمەوێت ئەو کاتژمێرە بفرۆشم . 
بەرپرسانی مۆزەخانەکە کەسانی پسپۆڕییان ھێنا بۆ ئەوەی بەھای کاتژمێرەکە دیاری بکات. 
پسپۆڕەکە بەھای کاتژمێرەکەی بە یەک ملیۆن دۆلار خەملاند 
کوڕەکە گەڕایەوە بۆ لای باوکی و گووتی : باوکە پسپۆڕانی مۆزەخانەکە بەھای کاتژمێرەکەیان بە یەک ملیۆن دۆلار خەملاند ! 
باوکەکە گووتی : دەموویست ئامۆژگاریت بکەم کەوا شوێنی راستەقینە دەتوانێت بەھای تۆ دیاری بکات ، لەبەر ئەمە خۆت مەخە شوێنی ھەڵە ، چونکە لەم شوێنانە بەھات نازانن .

ئەوای بەھات دەزانێت ، بە گەورەیی سەیرت دەکات 
لە شوێنێک مەمێنەوە کە نرخت نازانن 



«  مافی بڵاوکردنه‌وه‌ی ئه‌م بابه‌ته‌ بۆ کوردزۆن پارێزراوه »  
2252بینین‌‌‌
4 مانگ پێشتر - Jul 31 2021 11:05AM