یەکێکە لە سوونەتەکانی موسڵمانان لە جەژنی قوربانی پیرۆز بریتیە لە قوربانی کردن ، قوربانی کردنیش بە ئاژەڵ دەبێت و لەیەکەم رۆژی جەژن دەست پێدەکات و تا چوارەم رۆژ بەردەوام دەبێت، و قوربانی کردن یەکێکە لەو کارانەی کە پێویستە موسڵمان ئەنجامی بدات گەر توانای ماددی ھەبوو ، لەگەڵ ئەوەش قوربانی کردن چەند مەرجێکی ھەیە بۆ ئەوەی لەلای خودای گەورە قبوڵ بێت . 

مەرجەکانی قوربانی کردنیش بریتین لە: 

• قوربانیەکە بە ئاژەڵ بێت وەک ووشتر، چێل ، مەڕ و بزن . 

• بۆ ھەر یەکێک لەم ئاژەڵانە تەمەنێک دیاری کراوە، واتا نابێت لەم تەمەنە بچووکتر بێت بۆ نموونە وشتر پێویستە تەمەنی پێنج ساڵی تەواو کردبێت و چێڵ دووساڵی تەواو کردبێت و بزنیش ساڵێکی تەواو کردبێت و بەرخیش شەش مانگی تەواو کربێت بەڵام بەو مەرجەی قەڵەو بێت. 

• نابێت ھیچ کەم و کورتیەکەی ھەبێت، وەک چاوی کوێر بێت یا گوێی بڕابێت ، یانەخۆش بێت، ھەروەھا ھەندێک لە زانایان دەڵێن نابێت زۆر لاواز بێت . 

• نابێت قوربانی کردن بە قەرد بێت . 

• ئەو کەسەی قوربانی دەکات دەبێت پارەی شەرعی خۆی بێت، یا ئەوەتا کەسێک بکات وەکیلی خۆی بۆ ئەوەی کارەکەی بۆ ئەنجام بدات . 

• پێویستە لە کاتی دیاریکراو قوربانیەکە ئەنجام بدرێت واتا لەرۆژی یەکەمی جەژن تا چوارەم رۆژی جەژن . 

سەرچاوە | الموضوع