»  ئەندازیاری

ئه‌ندازیاری شارستانی و لێكۆلینه‌وه‌ له‌ نه‌خشه‌كان

ارام روستایی - دامه‌زرێنه‌ری ماڵپه‌ر (نووسین)
یه‌كێك له‌ كاره‌كانی ئه‌ندازیاری شارستانی ووردبینی و لێكۆلینه‌وه‌یه‌ له‌ نه‌خشه‌كان، چونكه‌ جاری وا هه‌یه‌ گرفتێك له‌ نه‌خشه‌كه‌ هه‌یه‌، ئه‌گه‌ر له‌سه‌ره‌تا چاره‌سه‌ر نه‌كرێت له‌كاتی كار دوات ده‌خات و جاری وا هه‌یه‌ ده‌بێت هۆكاری گرفتی گه‌وره‌تر.
زۆرێك له‌و ئه‌ندازیارانه‌ی ده‌ست به‌كار ده‌كه‌ن له‌ پرۆژه‌ و كارێكی نوێ وا داده‌نێن كه‌ نه‌خشه‌ و گرفته‌كانی په‌یوه‌ندی به‌ خاوه‌ن كار و كۆمپانیای نه‌خشه‌ دانانه‌وه‌ هه‌یه‌، به‌ڵام له‌راستیدا ئه‌م بیركردنه‌وه‌یه‌ بۆ ئه‌ندازیارێكی شارستانی هه‌له‌یه‌، چونكه‌ دۆزینه‌وه‌ی‌ گرفته‌كانی نه‌خشه‌ چه‌ند سوودێكی هه‌یه‌ و پشت گوێ خستنی چه‌ند گرفتێكی به‌دواوه‌ هه‌یه‌.

سووده‌كانی لێكۆلینه‌وه‌ و سه‌رنج دانی نه‌خشه‌ له‌سه‌ره‌تای كاركردن له‌ لایه‌ن ئه‌ندازیاری شارستانی:
١- دووركه‌وتنه‌وه‌ له‌ گرفته‌كان له‌ كاتی كاركردن، به‌مه‌ش سه‌ر ئێشه‌ بۆ ئه‌ندازیار دروست نابێت تاوه‌كو به‌ دوای چاره‌سه‌ر بگه‌رێت.
٢- به‌ره‌وپێشچوونی كار له‌ كاتی خۆی، ئه‌مه‌ش به‌سه‌ركه‌وتن داده‌نرێت بۆ ئه‌ندازیاره‌كه‌، كه‌ كاره‌كانی له‌كاتی خۆی جێبه‌جێ كردووه‌.
٣- نه‌بوونی گرفت ده‌بێته‌ هۆكارێك بۆ ناساندنی ئه‌ندازیاره‌كه‌ و ده‌ست كه‌وتنی كار له‌ زۆربه‌ی كاته‌ دژواره‌كان.
٤- نه‌بوونی گرفت وا له‌ خاوه‌ن كار ده‌كات به‌ ئاسانی ده‌ست به‌رداری نه‌بێت و متمانه‌ی زیاتری پێ بكات و پێگه‌ی به‌رز بكاته‌وه‌.

پێچه‌وانه‌ی ئه‌م خاڵانه‌ی سه‌ره‌وه‌ ده‌بێته‌ گرفت و زیان بۆ ئه‌ندازیاری شارستانی


«  مافی بڵاوکردنه‌وه‌ی ئه‌م بابه‌ته‌ بۆ کوردزۆن پارێزراوه »  
2623بینین‌‌‌
5 ساڵ پێشتر - Jun 25 2017 1:58PM
12