قوربان و قوربانیکردن بۆچی؟   |  30/07/2020

یەکێک لە سوونەتەکانی رۆژانی جەژن قوربان بریتیە لە قوربانی کردن ، پێغەمبەرمان (د.خ) ئەم کارەی ئەنجامداوە و داوای لە موسڵمانان کردووە ئەوەی توانای ھەیە ئەم کارە ئەنجام بدات ، چونکە خێرێکی گەورەی ھەیە . 

حیکمەت لە قوربانی کردن : 

• سوپاسگوزاری خودای گەورە لەسەر نیعمەتەکانی . 

• زیندوو کردنەوەی  سوونەتێکی پێغەمبەر ئیبراھیم (علیە السلام) کاتێک خودای گەورە فەرمانی پێکرد کوڕەکەی (حەزرەتی ئیسماعیل ) بکاتە قوربانی و ھەردووکیان گوێڕایەلی فەرمانەکە بوون ، دواتر خودای گەورە لە ئاسمانەوە بەرانێکی گەورەی نارد بۆ ئەوەی ببێتە قوربانی لە بڕی حەزرەتی ئیسماعیل . 

• فراوانکردنی دڵ و دەروونی مرۆڤی موسڵمان لەسەر خۆی و کەسوکار و دۆست و دراوسێکانی کاتێک قوربانی دەکات و بەشی ئەوانیشی لێدەدات . ئەمەش دەربڕینی خۆشی و شادییە بەم رۆژە پیرۆزانە . 

• پاڵپشتیکردن لە قسەکانی خودای گەورە کاتێک دەفەرمووێت کە ئاژەڵەکان بۆ ئەوە دروستکراون تا سوودیان بۆ مرۆڤەکان ھەبێت  . 

• نزیکبووونەوەی مرۆڤی موسڵمان لە خودای گەورە ، کاتێکی سیلەی رەحم بە جێ دەگەینێت و بەشێک لە قوربانیەکە پێشکەش بە کەسانی دیکە دەکات . 

سەرچاوە | الموضوع