ئەندازیاری شارستانی ده‌بێت پێش جێبه‌جێكردن چی بكات؟  |  17/09/2017

یەکێک لە خاڵانەی پرۆژە و ئەندازیار تیایدا سەرکەوتوو دەبێت چاوپێداخشاندن و دانانی تۆرە.
لێرەدا زۆر گرنگە ئەندازیاری شارستانی چاو بە نەخشەکان و پڵانەکان دابخشێنێت پێش دەست بەکاربوون، تاوەکو له‌ خاڵە لاوازەکان رابماڵێت و ئەگە کێشە لە نەخشە ھەبێت بە خاوەن کار بڵێت تاوەکو چارەسەر بکرێت وە ئەگەر لە پلان و کاتەکان کێشە ھەبێت گۆرانکاری تیادابکات.
بەڵام ئەوەی زۆر گرنگە کە نەخشە و پلانەکەش بەرێوە دەبات دامەزراندنی تۆرێکی گونجاوە.

تۆری گونجاو چیە؟
زۆر گرنگە ئەندزایار و بەرێوەبەری پرۆژە تۆرێکی گونجاو دروست بکات و کۆمەڵە ستافێک کۆ بکاتەوە کە لەگەڵ یەکتری بگونجێن و بۆ ھەر شوێنێک کەسێکی پێویست و شایستە بدۆزێتەوە، وە کارەکان بە رێچکەیەکی کارگێری بنێت و رێرەوێکی کارگێری دابنێت کەوا ھەموویان پابەند بن پێیەوە.

وە لە تۆرەکەدا رۆڵەکان بکرێن بە گروپ، بۆ نموونە
بەرێوەبەری کارگێری - ژمێریار - بەرێوەبەری کرین
بەرێوەبەری پرسگە و چایەچی
سەرپەرشتیاری ئەندازیاران - ئەندازیارانی تر - رووپێو
چاودێران - کرێکاران
بەرێوەبەری ئامێرەکان - شوفێر - دەستەی چاککردنەوە
بەرێوەبەری پاسەوان - پاسەوانەکان
..ھتد
لێرەدا ھەر بەشێک دەتوانێت لە رێگای بەرێوەبەرەکەی کێشە و گرفتەکانی خۆی چارەسەر بکات و بیان گەیەنێتە بەرێوەبەری پرۆژە.

لێرەدا دەبێت بەرێوەبەری پرۆژە زیرەک بێت و بزانێت ئایە بەرێوەبەری ھەر بەشێک شتە پێویستەکان بۆ ئەو دەگەرێنێتەوە؟
وە ھەروەھا چاودێری ئەوە بکات کە تا چەند پەیوەندی نێوان ئەم بەشانە تۆکمەیە؟ ئەگەر گرفتێک ھەبێت دەبێت چارەسەری بکات.