لەگەڵ ئەوەی ھەڵامەت حاڵەتێکی کاتییە و ماوەی ھەفتەیەک دەخایەنێت، بەڵام لەگەڵ ئەوەش چەند رێگەیەکی خێرا ھەیە بۆ ئەوەی زووتر چارەسەری خۆتی پێبکەیت لەوانەش :
• پشوویەکی باش بدە و ھەوڵبدە ئەگەر دەوامت ھەبوو ئەم رۆژە مۆڵەت وەربگریت، بۆ ئەوەی وزەیەکی باش بۆ لەشت بەدەست بھێنیت بۆ ئەوەی رووبەرووی ڤایرۆسەکە ببیتەوە کە بووتە ھۆی توووشبوون بە ھەڵامەت.
• لەشەوان ھەوڵبدە باش بخەویت و ھەروەھا لە رۆژیش قەیلولەیەک بکە، چونکە کەم خەوی دەبێتە ھۆی لاواز بوونی کۆئەندامی بەرگری لەش و بەم شێوەیەش توانای رووبەرووی بوونەوەی ڤایرۆسەکەت کەم دەبێتەوە.
• لەکاتی نووستن ھەوڵبدە سەرینێکی زیاتر بەکار بھێنی بۆ ئەوەی سەرت بەرز بێت و توانای ھەناسەدانت باشتر بێت.
• ھەوڵبدە شلەمەنی زۆر بخۆیتەوە و بەتایبەتی ئاو، چونکە ئەم شلەمەنیە یارمەتیدەرە لە سەر دەردەدانی چڵمی ناو لووت و بەمەش ھەناسەدانت باشتر دەبێت.
• دوور بکەوە لە خواردنەوەی خواردنەوە گازییەکان و مادەی کافایین و مەی، چونکە ئەم جۆرە خواردنەوانە حاڵەتەکەت توندتر دەکەن.
• غەرەغەرە بە ئاو و خوێ بکە(خوێواوک) چونکە رۆلی ھەیە لە کەمکردنەوە چڵم .
• چای گەرم بخۆوە لەگەڵ شیری گەرم چونکە رۆلیان ھەیە لە کەمکردنەوەی نیشانەکانی ھەڵامەت و چارەسەرن بۆ ئازاری قورگ.
• ھەنگوین بخۆ، چونکە رۆلێکی باشی ھەیە لە کەمکردنەوەی کۆکە(کۆخە) بەڵام نابێت ئەگەر کەسەکە تەمەنی لەیەک ساڵ کەمتربوو ھەنگوینی پێبدرێت.
• بە ئاوی گەرم خۆت بشۆ، چونکە ئەو ھەڵمەی لە ئاوەکە ھەڵدەستێت یارمەتیدەرە بۆ تەڕکردنی قورگ ولووت و نیشانەکانی ھەڵامەت کەم دەکاتەوە هەروەها ئاوی گەرم ماسولکەکان خاو دەکاتەوە.
• خواردنی ئەو دەرمانانە کە ھۆکارن بۆ کەمکردنەوەی حاڵەتەکە ئەمەش بە پێی رێنمایی کەسانی پسپۆڕ لە حاڵەتەکە.
سەرچاوە| الموضوع